Aımaqtar • 24 Aqpan, 2022

Almatyda órtengen páterden er adam qutqaryldy

58 ret kórsetildi

Tótenshe jaǵdaılar departamentiniń qyzmetkerleri Almatydaǵy janyp jatqan páterden 51 jastaǵy er adamdy qutqardy, dep habarlaıdy Egemen.kz.

Almaty TJD baspasóz qyzmeti 23 aqpanda saǵat 01:20-da «101» pýltine Áýezov aýdanynyń 4 shaǵyn aýdanyndaǵy tórt qabatty úıdiń dabyl qaqqan turǵyndarynan qońyraý túskenin habarlady.

Oqıǵa ornyna birneshe bólimsheniń órt sóndirý jasaqtary jiberildi.

«О́rt sóndirý jasaqtary oqıǵa ornyna 7 mınýttan keıin keldi. О́rt sóndirýshilerdi kórshiler qarsy alyp, órtengen páterde balalar bolýy múmkin ekenin jetkizdi. Páterinde qamalyp qalǵan er adam úıdiń artqy jaǵynda tormen jabylǵan tereze arqyly kómekke shaqyrdy. Ýly tútinnen taza aýaǵa tek ashyq jeldetkish arqyly shyǵýǵa bolatyn edi, biraq temir tordyń kesirinen er adam páterden shyǵa almaı qaldy», dep atap ótti TJD qyzmetkerleri.

Qaraýyl bastyǵy metall torlardy buzyp, janyp jatqan páterge tereze arqyly kirýge sheshim qabyldady. Nátıjesinde 51 jastaǵy er adam otty tuzaqtan aman shyǵarylyp, jedel medısınalyq járdem brıgadasyna jóneltildi. Birneshe saǵattan keıin qutqarylǵan adam úıine jiberildi.

«О́rt 14 mınýt ishinde aýyzdyqtalyp, saǵat 01:54-te tolyqtaı sóndirildi», dep tolyqtyrdy vedomstvodan.

Belgili bolǵandaı, elektr symdarynyń qysqa tuıyqtalýynan úıdegi jıhaz janyp ketken.

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar