Ekonomıka • 28 Aqpan, 2022

Inflıasııa ımporty

33 ret kórsetildi

AQSh jáne Eýropa elderi Reseı ekonomıkasyna kúırete soqqy berýge kóshti. Tek SWIFT júıesinen ajyratýdyń ózi rýbl baǵamyn quldyratýy múmkin. Al Reseı Ortalyq banki aktıvteriniń buǵattalýy bul jaǵymsyz jaǵdaıdy tek kúrdelendirmek. Eger Reseı ıntervensııa jasaı almaıtyn kúıge tússe, rýbl «erkin júzý rejimine» túsedi.

«Rýbldi qoldaýǵa jumsalýy múmkin Reseıdiń 630 mlrd dollar altyn-valıýta qory bar jáne sanksııanyń maqsaty – Batys bankterimen kelisimderdi buǵattap, bul valıýtany rýblge aýystyrýdy múmkin qylmaý», dep habarlaǵan edi Aqúı.

Telegramdaǵy Tengenomika kanalynyń sarapshylary bul jaǵdaıǵa mynadaı túsinikte­me beredi: «Túrli baǵalaý bo­ıynsha, Reseı Ortalyq banki­niń valıýtalyq-geografııalyq bólinisin eskere otyryp, qazir­gi 630 mlrd dollardyń 60 pa­ıyzy Batys elderiniń tikeleı buǵattaýyna tap bolýy múmkin. Ondaı jaǵdaıda Ortalyq bank rezevriniń tek 40 paıyzy ǵana bank júıesin qoldap, ıntervensııa jasaý úshin paıdalanylady. Sonymen qatar SWIFT-ten ajyratylǵan jaǵdaıda halyqaralyq seriktester úshin reseılik eksport – munaı, gaz, bıdaı, áskerı qarý-jaraq úshin tólem jasaý qıyndaıdy. Eki sanksııa da Reseıge jáne onyń óńirlik seriktesi Qazaqstanǵa da jaqsylyq ákelmeıdi. Rýbl qul­dy­raýy múmkin. Bul óz kezeginde teńgege de qysymdy kúsheıtedi».

Reseıdegi ahýaldyń nasharlap, rýbldiń qunsyzdanýy taýarlar men qyzmetterdiń qymbattaýyna ákelip soǵady. Al Qazaqstan men Reseıdiń asa tyǵyz saýda seriktesteri ekenin eskersek, munyń salqyny elimizge de tıedi. 2021 jyly eki el arasyndaǵy taýar aınalymy 20 mlrd dollardan asqan. Kóptegen tutynýshylyq taýarlardy Reseıden satyp alamyz. Demek, Reseıde baǵanyń qymbattaýy Qazaqstanda da qaıtalanady. Mundaı jaǵdaı­da ınflıasııa ımporty bolýy múmkin be?

«Sanksııalyq qysymdy eske­­rer bolsaq, ózge elderge, onyń ishinde Qazaqstanǵa da eks­­porttalatyn taýarlar baǵa­sy­­nyń ósýi ábden yqtımal. Qa­zaq­stan ımportynda Reseı­diń úlesi aıtarlyqtaı. Sondyq­tan ınf­lıasııalyq qysymdy joqqa shyǵara almaımyz. Biz­diń el­diń jalpy ımportyndaǵy Reseı úlesi byltyr 42,1 paıyz­dy nemese 17,3 mlrd dollardy quraǵan. Ulttyq banktiń shu­ǵyl túrde bazalyq stavkany 13,50 paıyzǵa ósirgenin es­ten shyǵarmaıyq. Bul álemdegi ener­­gııa tasymaldaýshylardyń rekord­tyq joǵary baǵasyna baı­la­­nys­ty naryqtaǵy proınflıa­sııa­lyq ahýalǵa qarsy qosymsha qoldaý kórsetýi múmkin», deıdi sarapshy Andreı Chebotarev.

Teńgeniń jańa baǵamy búgin belgili bolady. О́tken apta­nyń sońynda teńge kýrsy 467 teńgemen aıaqtalǵan. Kurs.kz saıtyndaǵy málimet boıynsha, 1 dollardy ortasha aıyrbas­taý baǵamy 463 teńge dep kórsetilgen.

Sońǵy jańalyqtar

Suıytylǵan gaz baǵasy óspeıdi

Qoǵam • 01 Shilde, 2022

Uqsas jańalyqtar