28 aqpanda Almaty oblysy boıynsha Sybaılas jemqorlyqqa qarsy qyzmet Bas prokýratýranyń Ishki tergeý departamentimen birlesip «Nur Joly» keden beketinde qyzmet etken birqatar laýazymdy tulǵalardyń qylmystyq áreketin anyqtady.
«Júrgizilgen jedel biriktirýdiń nátıjesinde qylmystyq áreketti ımıtasııalaǵan qadaǵalaý organynyń qyzmetkerine júrgizilgen tekserý boıynsha máselelerdi oń sheshkeni úshin 50 myń AQSh dollary mólsherinde para berý faktisi qujattalǵan», delingen Sybaılas jemqorlyqqa qarsy is-qımyl agenttiginiń habarlamasynda.
Atalǵan fakti boıynsha «Nur Joly» keden beketiniń basshysy men onyń orynbasary ustaldy.
«Sonymen qatar, tekserýshilerge 30 myń AQSh dollary kóleminde para berip, iri kólemde taýar kontrabandasyn jasyrǵan eden beketiniń taǵy bir ókili ustaldy», dep qosty Sybaılas jemqorlyqqa qarsy is-qımyl agenttigi.
Qazirgi ýaqytta sotqa deıingi tergeý júrgizilýde.
О́zge aqparat tergeý múddesinde jarııa etýge jatpaıdy.
