Anonymous: hakerler shabýyly

Anonymous hakerler toby «Reseı úkimetine qarsy kıbershabýyldy resmı túrde bastaǵanyn» Twitter paraqshasynda jarııa etti. #Ukraine heshtegimen taralǵan beıneúndeýde hakerler «soǵysty toqtatpasa, jyldar boıy jabýly turǵannyń bári jaryqqa shyǵatynyn» málimdedi.

Aqparattyq júıeni buzýǵa kel­gen­de aldyna jan salmaıtyn jan­dar­dyń bul áreketi eshkimdi de beı-jaı qaldyrǵan joq. Reseı de olardan qaýiptenetinin baıqatyp qoıdy. Federaldy qaýipsizdik qyzmetiniń qurylymy Reseı aqparattyq keńis­tigi kıbershabýyldardyń qaýipti deń­geıinde turǵanyn moıyndady. Al Baýman atyndaǵy Máskeý Memlekettik tehnıkalyq ýnıversıtetiniń «Sıfr­ly álemdegi qaýipsizdik» kafedra­sy­nyń professory Vıtalıı Vehov aqpa­rattyq quraldarynyń birinde bergen suhbatynda «eger Anonymous haker­lerine Reseıdiń aqparattyq alańyn shabýyldaý týraly tapsyrys kelip tússe, onda aldymen úkimettik jáne qarjy resýrstary zardap she­ge­tinin» jetkizdi. «Memlekettik tur­ǵydan da, jeke adam kózqarasy turǵy­synan da alǵanda kıbershabýyldar kóbine sol eldiń iri nasıhattaýshy aq­parat quralyna jasalady. Bul jer­de áleýmettik jelilerge, belgili bir tulǵalardyń jeke paraqshalaryna shabýyldaý degen áńgime joq. Negizgi nysana eldiń sıfrly ekonomıkasyn qamatamasyz etip otyrǵan iri aq­pa­rattyq resýrstar bolady», deı­di ol. Biraq sarapshy hakerlerdiń kı­ber­soǵysy aıtarlyqtaı qaýip tón­dir­meı­tinin, mundaı shabýyldarǵa mem­leket burynnan daıyn degen pikirde.

Infosecurity a Softline Company aqparattyq qaýipsizdik aýdıti depar­tamentiniń basshysy Sergeı Nenahov bolsa, Anonymous hakerleriniń shabýyly asa qaýip tóndirmegenimen solardyń atyn jamylǵan basqa toptar shyqsa, olardyń áreketi aqparattyq keńistikke, ekonomıkaǵa úlken soqqy bolýy múmkin ekenin eskertti.

Aqparattyq tehnologııa qa­rysh­tap damyǵan qazirgi zamanda adamnyń ómiri, tynys-tirshiligi ınternetke baılaýly ekeni belgili. Eger ınternet bir kún, tipti bir saǵatqa óshse, berekemiz ketip-aq qalatynyn eshkim joqqa shyǵarmaıdy. Oǵan bıylǵy qańtar oqıǵasy dálel. Ǵalamtor júıesi birneshe kúnge isten shyǵyp edi, bankten bastap baılanys úzilip, alys-jaqynnan habar alý qıyndap ketti. Al eger bútin bir memlekettiń barlyq aqparattyq kommýnıkasııalyq, ınfraqurylymdyq júıesine qaýip tónse, bul aıtarlyqtaı iri eko­nomı­kalyq soqqy bolary sózsiz. Qandaı el bolsyn, hakerlerden aıaq tarta júretini sondyqtan. Al álemdi aýzyna qaratqan «Anonımýstar» – joǵary deńgeıde qorǵalǵan saıttardyń ózin demde buza salatyn hakerler toby. Ǵalamtordaǵy ashyq derekkózderge súıensek, olar 5 myńnan astam Twitter-akkaýntyna, dál osy shamada Facebook paraqshalaryna shabýyl jasaǵan. Onyń syrtynda dúnıe júzine belgili uıymdardyń aqparattyq júıelerin buzyp, 30 myńnan astam bank shottaryn jarııa etken. Qaýipsizdik jaǵynan jan-jaqty qorǵalǵan degen saıttardyń ózi anonımýstardyń shabýylyna tótep bere almaǵan.

 Anonymoustar ózderin ınternet erkindigi men ádildik úshin kúresken qusqa teńeıdi. Bul sóz aǵylshyn tilinen aýdarǵanda «belgisiz» degen maǵynany bildiredi. Shynymen de basqan izi bilinbeıtin, ózderin kim ekenin aıtpaıtyn hakerler toby bul. Uıymdasqan haktıvıster tobynyń belgisi de attaryna saı. Onyń ortasynda galstýk taǵyp, aq jeıde men qara kostıým kıgen basy joq adam beınelengen. Bul «uıymnyń basshysy joq, ondaǵy adamdardyń bári birdeı, quqy teń» degendi meńzeıdi.

 Anonymoustar ózderiniń jarııa bolǵanyn qalamaıdy. Betterine únemi Gaı Foks betperdesin taǵyp júredi. Kezinde júıege qarsy shyqqan aqsúıek Fokstiń kim ekeni aýstrııalyq belgili rejısser Djeıms Maktıgtiń «V — znachıt Vendetta» atty fılminde egjeı-tegjeıli baıandalady.

О́zin «Salqynqandy» dep ta­nys­tyrǵan hakerler tobyndaǵy belsen­dilerdiń biri: «Biz ádiletsizdikke tóz­beımiz jáne ınternettiń baqylaýda bolǵanyn qalamaımyz. Ǵalamtor bárine ortaq bolýy kerek. Biz eshteńeni umytpaımyz. Ádiletsizdik bolsa, biz eshkimdi keshirmeımiz jáne istegen isimizdi aıaǵyna deıin jetkizemiz. Bizdiń atymyz – legıondar» degen.

Keıbir synshylar olardy «haktıvıster» dep synǵa alǵanymen olardyń kompıýterdegi sheberligine tánti ekenin jasyrmaıdy. Ataqty Bıll Geıts anonımýs hakerleri týraly: «Anonımýs — bul ınternette paıda bolǵan alǵashqy joǵarǵy sana. Bular qustar sııaqty. «Dúr» etip tek bir baǵytta ushady. Olardyń toby kóbeıe berýi múmkin» degen.

Vıkıpedııadaǵy málimetke súıen­sek, anonımýstar belgili bir saıttarǵa baılanyp qalmaǵan, biraq belgili bir jelilermen tyǵyz baılanysta jumys isteıdi. Olardyń qatarynda 4chan sııaqty ımıdjbordtar, vıkı-saıttar, Encyclopædia Dramatica jáne birqatar ınternet-forým bar.

2012 jyly Time amerıkalyq jýr­naly Anonımýs hakerler tobyn álem­degi eń yqpaldy 100 adamnyń tizimine qosqan.