Qaǵazbastylyq, bıýrokratııalyq tejeý kúshteriniń barlyǵy partııanyń jańasha jumys isteýine kesirin tıgizetin eń basty dúnıe dep oılaımyn. Sondyqtan Prezıdenttiń jáne partııa hatshylyǵynyń bastaýymen partııanyń modernızasııalaýǵa degen bet burysy – ýaqtyly jasalǵan qadam.
О́z kezegimde Májilis qataryna kelgen jańa depýtat jáne partııanyń saıası keńesiniń múshesi Saıasat Nurbektiń sózi maǵan qatty áser etkenin atap ótkim keledi. Onyń usynyp otyrǵan dúnıeleri óte durys dep esepteımin. Halyqtyń berip otyrǵan amanaty, jazylatyn ótinishter, shaǵymdar – osynyń barlyǵy úlken aqparat bazasy. Sol aqparat bazasyna saraptaý jasaý, suryptaý, belgileý, árıne belgili bir deńgeıde júrgizilip jatyr. Biraq bul jumystar qazirgi zamanǵa saı emes. Sondyqtan Saıasat Nurbektiń Big Data degen termınmen engizilip otyrǵan bastamasy óte quptarlyq. Osy saraptaý jumystary Big Data arqyly júrgiziletin bolsa, búgingi mynaý shaǵym-aryzdardyń ishindegi haos, aqparattyq haos oryn-ornyna kelip, jeke-jeke qarastyrýǵa jáne jumysty belgili bir baǵytqa qoıýǵa, ár depýtattyń múmkindigin durys paıdalanýǵa óziniń oń áserin tıgizedi.
Dana NURJIGIT,
Senat depýtaty
