Qazaqstan • 05 Naýryz, 2022

Qazaqstanǵa myń tonna gúl jetkizildi

218 ret kórsetildi

Qazaqstanǵa gúlder negizinen shet elderden ákeletini belgili. Osyǵan oraı QR QM Memlekettik kirister komıtetinde syrt elderden gúlderdi ákelýge baılanysty qyzyqty derektermen bólisti, dep habarlaıdy Egemen.kz.

2022 jyldyń qańtar-aqpan aılarynda Qazaqstanǵa barlyǵy salmaǵy 1 085 tonna, quny 8,5 mln AQSh dollaryna teń gúl ákelingen.

Suranysy eń joǵary – raýshan gúlderi: salmaǵy 724 tonna, quny 6 mln AQSh dollaryna jýyq gúlder ákelingen. Ekinshi orynda – hrızantemalar (salmaǵy 97 tonna, quny 883 myń AQSh dollary), úshinshi orynda – qalampyr (salmaǵy 28 tonna, quny 165 myń AQSh dollary).

Sonymen qatar lalagúl de joǵary suranysqa ıe, ony 24 tonna salmaǵymen 178 myń AQSh dollaryna ákelgen, basqa da jańa kesilgen gúlder men búrshikter de (qyzǵaldaq, hydrangeas, lınolıým, gıpsofıla, fınıks, ırıs, gortenzııa jáne basqa da ekzotıkalyq gúlder) salmaǵy 167 tonna, quny 1,1 mln. AQSh dollaryna ákelingen.

Aǵymdaǵy jyly gúlder Nıderlandy (535 tonna), Belgııa (162 tonna), Germanııa (115 tonna), Ekvador (94 tonna), Lıtva (79 tonna), Kolýmbııa (54 tonna), О́zbekstan (69 tonna), Kenııa (15 tonna), Slovakııa (5 tonna), Izraıl (4 tonna) jáne Túrkııa (3 tonna) elderinen ákelingen.

О́tken 2021 jyly salmaǵy 5 752 tonna, quny 41,4 mln AQSh dollaryn quraıtyn gúlder ákelingen.

Sondaı-aq ótken jyly raýshan gúlderi joǵary suranysqa ıe bolǵan, olardy 3646 tonna salmaǵymen 28,2 mln. AQSh dollaryna ákelgen, hrızantemalardy 714 tonna salmaǵymen 4,8 mln. AQSh dollaryna, lalagúldi 240 tonna salmaǵymen 1,4 mln. AQSh dollaryna, qalampyrdy 197 tonna salmaǵymen 1,1 mln AQSh dollaryna ákelgen.

Degenmen 2021 jyly gúlder eksportqa da shyǵarylǵan: 17,8 tonna salmaǵynda 71,4 myń AQSh dollaryna áketilgen. Negizinen shyǵarylǵany raýshan gúlderi men lalagúlder.

Sońǵy jańalyqtar

Elordada gazel avtokóligi janyp ketti

Elorda • Búgin, 12:18

Uqsas jańalyqtar