SIM málimetinshe, Qazaqstan syrtqy ister mınıstriniń orynbasary Roman Vasılenko Ulybrıtanııanyń Ortalyq jáne Ońtústik Azııa, Soltústik Afrıka isteri jónindegi Memlekettik mınıstri Lord Tarık Ahmadpen beıne-kezdesý ótkizgen, sondaı-aq Ulybrıtanııanyń Qazaqstandaǵy elshisi Ketı Lıchti qabyldaǵan.
Taraptar dıplomatııalyq qarym-qatynastardyń 30 jyly ishinde qol jetkizilgen ózara senim men keń aýqymdy ózara tıimdi yntymaqtastyqtyń joǵary deńgeıin atap ótti. Sondaı-aq olar Ýkraınadaǵy jaǵdaıdy jáne soǵys qımyldaryn toqtatý jáne taraptardy beıbit jolmen sheshýge qaıtarý boıynsha halyqaralyq deńgeıde qabyldanǵan qadamdardy talqylady.
«Brıtandyq tarap Reseıdiń Ýkraınadaǵy áskerı operasııasyna baılanysty Qazaqstanǵa qatysty qandaı da bir sanksııa salýǵa nıetti emes ekenin rastady.
Kezdesý qorytyndysy boıynsha talqylanǵan taqyryptardyń barlyq spektri boıynsha tolyq ózara túsinistik rastaldy jáne ekijaqty qatynastardy odan ári belsendi jáne jan-jaqty damytýǵa ózara daıyndyq bildirildi», delingen habarlamada.
