2022 jylǵy 4 naýryzdaǵy jaǵdaı boıynsha mindettemelerdi oryndaý deńgeıi tómen 148 kelisimshart anyqtalyp, 31 kelisimshartty jáne 3 lısenzııany buzý boıynsha sharalar qabyldandy.
Buzylǵan kelisimsharttar men lısenzııalar boıynsha ken oryndary aýksıonǵa shyǵarylady. Tıisti aqparat QR IIDM ınternet resýrsynda, sondaı-aq respýblıkalyq BAQ-tarda jarııalanady.
Tekserý barysynda jańa óndirister qurý boıynsha qosymsha mindettemeler qabyldaýǵa qatysty júıeli túrde tolyq qarjylandyrylmaǵan kelisimsharttardyń quqyqtyq mırasqorlaryna-ınvestorlarǵa erekshe nazar aýdarylady.
Kelisimshart boıynsha mindettemelerdi tıisinshe oryndaýdyń mysaly retinde «KAZSILICON «MK» JShS keltirýge bolady. Bul kásiporyn osy aıda jyldyq qýaty 6 myń tonna bolatyn joǵary sapaly tehnıkalyq kremnıı óndiretin zaýytty iske qosýdy josparlap otyr. Investısııalardyń jalpy kólemi 3,9 mlrd teńgeni qurap, zaýytta 200 jumys orny ashylady. О́nim álemniń 20-dan astam eline eksportqa shyǵarylyp, joǵary sapaly tehnıkalyq kremnııdiń álemdik naryǵynda jetekshi oryn alýǵa múmkindik beredi. Jobany iske asyrý kezinde qazaqstandyq qamtý kólemi 80%-dan asady.
Qatty paıdaly qazbalardyń ken oryndaryn tekserý barysy QR Úkimetiniń erekshe baqylaýynda tur.
