Analar qaýymynyń aıtary kóp

Basqosýda mektepke deıingi sapaly jáne orta bilim alý, me­dısınalyq qyzmet, jeńil­detilgen ıpotekalyq nesıe­len­di­rýge qol jetkizý, kópbalaly otbasylarmen jáne erekshe kú­timge muqtaj balalarmen ju­mys isteıtin ÚEU arasynda mem­le­kettik áleýmettik tapsyrys­ty orna­lastyrýdyń tıimdiligi máse­le­leri talqylandy.

Kezdesýge qatysýshylar qa­zir­­­gi kópbalaly analarǵa beri­letin ataýly áleýmettik kómekti áleý­mettik mártebesine qara­mas­tan, biryńǵaı járdemaqyǵa aýys­tyrý máselesine jeke toqtaldy. Qala ákimi kópbalaly analardyń usynystaryn ekshelep, Eńbek jáne halyqty áleýmettik qorǵaý mınıstrligimen talqylaýǵa ýáde berdi.

Kezdesýde kóterilgen ótkir máseleniń biri balalar­dy áleý­met­tik mártebesine qaramas­tan, ystyq tamaqpen qamtamasyz etý men onyń qunarlylyǵyn arttyrý boldy. Bul usynysqa E.Dosaev Memleket basshysynyń tapsyrmasyna sáıkes «Balalar jyly» aıasynda ákimdik qajetti jumys júrgizgenin, resýrstar tapqanyn, 2022 jyldyń 1 qyrkúıeginen bas­tap Almatydaǵy memlekettik mektepterdiń barlyq bastaýysh synyp oqýshylary áleýmettik mártebesine qaramastan, tegin ys­tyq tamaqpen qamtamasyz eti­le­tinin jetkizdi.

«Balalardyń sapaly tamaq­ta­nýyn uıymdastyrý úshin Bilim basqarmasy teńgerim­di jáne ár­túrli rasıondy qurý máselesin pysyqtady. Qarjylandyrý má­se­­­lesi jergilikti bıýdjetti naq­tylaý sheńberinde máslıhatta qa­ra­lady», dedi E.Dosaev.

Mektepterde oqýshy oryn­da­rynyń jetispeýshiligi jáne balabaqshalarǵa kezek taqyryby erekshe pikirtalas týdyrdy. Bú­gin­de qala mektepterinde 19 611 oryn, balabaqshalarda 41 080 oryn jetispeıdi. Bala týýdyń jo­ǵa­ry bolýyna jáne halyqtyń megapolıske belsendi kóshýine baılanysty jyl saıynǵy ósim tıisinshe 15 myń jáne 8 myń balany quraıdy.

«Almatyda mektepter men ba­la­baqshalardy salýǵa bos jer­ler múldem jetispeıdi, al qu­ry­lys qarqyny tek jyl saıynǵy ósimdi jabýǵa múmkindik beredi», dep atap ótti qala basshysy.

Almaty qalasynyń ákimi bıyl mektep­ter­de 15 461 orynǵa, bala­baq­sha­lar­da 39 520 orynǵa deıin oryn jetispeýshiligi azaıatynyn aıtyp otyr. Taıaý ýaqytta ákimdik osy má­selelerdi sheshýdi jedeldetý úshin qosymsha sharalar ázirlep, usy­natyn boldy.

Kezdesý barysynda erekshe kútimdi qajet etetin balalarmen jumys isteý, múgedektikti erte anyq­taý máseleleri men sonyń saldarynan balalardy odan ári áleýmettendirýdiń múmkin emestigi, tıimsizdigi sóz boldy.

«Balabaqshalar men mek­tep­ter­­de balalardy ońaltý, emdeý, ınklıýzıvti qoldaý – bul ákimdiktiń áleýmettik blok bas­qar­malary jumysynyń ne­giz­gi mindeti. Balalardy ınk­lıý­zıv­ti damytýdyń qazir­gi baǵ­dar­­lamasy qaıta qarala­tyn­dyq­tan, osy jumysqa qalanyń múd­deli qoǵamdyq qorlary men ÚEU-lardy belsendi qatysýǵa sha­qy­ramyn», dedi megapolıs basshysy.

ALMATY