Jaǵdaı baqylaýda bolýǵa tıis

Máselen, birneshe aı boıy birde-bir vırýs juqtyrý deregin tirkemeı kele jatqan Gonkong sońǵy kúnderi vırýstan qaıtys bolǵandar sanynyń artqanyn habarlady. Eldegi dárigerler buǵan jasy úlken azamattar ara­syn­daǵy vaksına saldyrý deń­ge­ıi­niń tómendigi sebep ekenin alǵa tartady.

Besinshi tolqynda tirkelgen 2 365 qaıtys bolǵan azamattyń 87 paıyzy 60 jastan asqandar. Marqumdardyń 90 paıyzy vaksına saldyrmaǵan eken.

Endi Úkimet kelesi aıdan bastap úsh kezeńnen turatyn tes­ti­leý júıesi engiziletinin ha­bar­­lady. Mundaı qatal ereje bir kúnde 8 674 vırýs juq­ty­rý anyqtalǵannan keıin qa­b­y­ldanyp otyr. Jergilikti dári­gerlerdiń shamasy jetpeı, endi­gi kezekte kómekke qytaılyq dá­rigerler men meıirgerlerdi sha­qyr­tý da josparlanǵan.

Al Ýkraına azamattary aǵyl­ǵan Eýropa da jańa sharalar qabyldaýǵa májbúr. О́ıtkeni Eýropalyq odaq memleketteri arasynda kóshi-qonǵa ruqsat berip, bosqyndardy qabyldaýǵa daıyndyǵyn bildirgen-di. Keshe Aýstrııa úkimeti mindetti vak­sı­­nalaý naýqanyn keıinge she­gere turatynyn habarlady. Konstıtýsııa máseleleri bo­­ıynsha mınıstr Karolıne Edt­shtadler sarapshylar komıs­sııasy bul sheshimdi qaıta qa­raı­tynyn, sonymen qatar «omıkron» syndy vırýstyń je­ńil shtamy kezinde vaksınaǵa qa­jet­tilik joǵyn aıtty.

Fransııa úkimeti de 14 naý­­ryzdan bastap qoǵamdyq kólik­ter­den basqa jerde betperde taǵý mindettemesin alyp tastaıtynyn habarlady. Sonymen qa­tar qoǵamdyq oryndarǵa kirý úshin talap etiletin vaksı­na pasportyna qatysty da jeńildikter engizilgeni málim boldy. Jańa­lyq­tardy úkimet basshysy Jan Kasteks habarlady. Onyń aıtýynsha, eldegi epıdemııalyq ahýal qalypty. Ázirge bir kúnde orta eseppen 50 myńǵa jýyq vırýs juqtyrý deregi tirkelýde.

Buǵan deıin aqpannyń aıa­ǵyn­da elder arasynda qatynaý úshin test tapsyrý qajettiligi alynyp tastalǵany habarlanǵan-dy. Odaqtaǵy 27 eldiń ókilderi bul sheshimdi aımaqtaǵy týrızmdi jan­dandyrý úshin qabyldaǵanyn aıtqan edi.

DDSU Tótenshe jaǵdaılar boıynsha dırektory Reseı men Ýkraına arasyndaǵy másele jaǵdaıdy qıyndata túsýi múmkin degen boljam aıtady. «Adamdar qazir kishigirim oryndarda kóp shoǵyrlanǵan, tamaqtanýy da durys emes, úreıden jaqsy uıyqtamaıdy da. Bul adam densaýlyǵyna, aǵzasyna teris áser etedi. Sondyqtan aldaǵy ýaqytta vırýs juqtyrý deregi artýy múmkin», dedi ol.

DDSU málimetine súıensek, ótken aptada Ýkraınada 40 265 vırýs juqtyrý deregi tirkelgen, 758 adam qaıtys bolǵan.

Uıymnyń Tótenshe jaǵdaılar boıynsha aǵa komıssary Ketrın Smolýd eldegi áskerı, saıası jaǵ­daı saldarynan koronavırýs máselesi kóleńkede qalyp qoıǵanyn alǵa tartady. «Mundaı jaǵdaıda eldiń vırýsqa mán bermeýi qalypty. Jertóle, metrolarda boı tasalap otyrǵan halyqtyń medısınalyq kómekke júginbeýi de túsinikti jaǵdaı. Tipti kómekke júgingen kúnniń ózinde bizge jetken derek boıynsha dárigerlerdiń ózderi jumys oryndaryna jete almaı jatqan kórinedi. Bul jerde jeke bastyń qaýipsizdigi alǵa shyǵady», dedi ol.

Sonymen qatar medısınalyq ortalyqtar men aýrýhanalarǵa da shabýyl jasaldy. Búgin ǵana perzenthana men balalar aýrýhanasyna shabýyl jasalǵany málim boldy. DDSU-nyń Eýropa boıynsha dırektory Hans Klıýge úsh iri ottegi zaýyty jabylýyna baılanysty aımaqta ottegi konsentrattaryna tapshylyq paıda bolǵanyn habarlady. Osy rette halyqaralyq uıym Ýkraınaǵa 500 ottegi konsentratyn jibere­t­inin málimdedi. Sonymen birge Eýropa elderiniń basshylaryn elge baǵyt alǵan bosqyndarǵa jaǵdaı jasap, medısınalyq kómek kórsetýin surady. Al vırýspen kúresýge qajet quraldar bolmaǵan jaǵdaıda vırýstan kóz jumǵandar sany áli de artatynyn eskertti.