Qazaqstannyń Tuńǵysh Prezıdenti Dıplomatııalyq forým aıasynda Rejep Taııp Erdoǵanmen kelissóz júrgizdi. Elbasy Túrkııa Respýblıkasynyń Prezıdentine halyqaralyq forýmǵa qatysýǵa shaqyrǵany úshin rızashylyǵyn bildirip, qazirgi jahandyq geosaıası ózgerister kezinde bul jıynnyń mańyzy erekshe ekenine toqtaldy.
Rejep Taııp Erdoǵan Qazaqstan men Túrkııa arasynda qarym-qatynastyń qalyptasýy men damýyna Nursultan Nazarbaev qomaqty úles qosqanyn atap ótti. Sondaı-aq Túrkııa Prezıdenti túrki álemi elderiniń ıntegrasııalyq prosesin keńeıtý ári tereńdetý isindegi Qazaqstannyń Tuńǵysh Prezıdentiniń qyzmetine joǵary baǵa berdi.
Kezdesýde taraptar kún tártibindegi eń ózekti halyqaralyq máseleler boıynsha pikir alysty. Olar Ýkraınadaǵy áskerı qaqtyǵysty dıplomatııa jáne memleketaralyq dıalogty qalpyna keltirý arqyly sheshý baǵytynda kúsh-jiger jumsaýdyń mańyzdy ekenin aıtty.
