Áýelde Entonı Djoshýa WBA (super), IBF, WBO jáne IBO tujyrymdary boıynsha álem chempıony, ýkraınalyq Aleksandr Ýsıkke qarsy sharshy alańǵa shyǵýy kerek bolǵan. Alaıda Aleksandr Ýsıktiń Otanyn qorǵaý úshin Ýkraınaǵa ketýine baılanysty Djoshýanyń promoýteri boksshyǵa basqa qarsylas izdeýdi bastady.
Bastapqyda Entonı Djoshýanyń Deonteı Ýaılder, Djo Djoıs, Lýıs Ortıs, Otto Vallın sekildi boksshylarmen judyryqtasýy yqtımal ekeni týraly aqparat taraǵan edi. Endi Eddı Hırn tizimdegi tórttiktiń sanyn ekeýge deıin qysqartqandy jón dep taýypty.
«Jaqynda ǵana Entonı Djoshýa menen kimge qarsy sharshy alańǵa shyǵatynyn surady. Men oǵan túptiń-túbinde Aleksandr Ýsıkpen qolǵap túıistiretinin, sondyqtan solaqaı boksshymen judyryqtasqany jón ekenin aıttym. Meniń oıymsha ol Lýıs Ortıspen nemese Otto Vallınmen kezdesedi. Qalaı bolǵan kúnde de aldaǵy shaıqas Aleksandr Ýsıkke qarsy ótetin jekpe-jek aldynda jaqsy daıyndyq bolatyny sózsiz. Al Ýsıktiń komandasy bizge habarlasyp, Sashanyń maýsym aıynda sharshy alańǵa shyǵa alatynyn habarlasa, biz qýana kelisim beremiz. Eger olar Aleksandr qazan aıynda daıyn bolady dese, biz aralyq jekpe-jek ótkizemiz», dedi promoýter BAQ ókilderine bergen suhbatynda.
