Onyń aıtýynsha, 2017 jyldan 2021 jylǵa deıin mal urlyǵy oqıǵalary 35%-ǵa (6,3 myńnan 2,2 myńǵa deıin) azaıdy, onyń ishinde urlanǵan mal sany eki esege – 20 myńnan 9 myńǵa deıin azaıǵan.
«Bıyl da mal urlyǵynyń tómendeýiniń oń úrdisi saqtalyp otyr, mal urlyǵy 32,7%-ǵa tómendedi, bul rette urlanǵan maldyń 44,1%-y qaıtaryldy (1300 maldyń 573-i tabyldy)», dedi S. Shalqarov QR IIM uıymdastyrǵan onlaın-brıfıngte.
Sonymen birge mınıstrlik ókili maldy qorǵaý úshin ne isteý kerektigi týraly keńesin de aıtty.
«Maldy qaraýsyz qaldyrmaý kerek jáne mal ıesi – ákimdik – malshy arasynda úshjaqty shart jasap, GPS-trekerlerdi qoldanyp, mal basyn mindetti túrde tańbalaý qajet jáne saqtandyrý quraldaryn paıdalanǵan jón. Qazir mal basyn saqtandyrý qoljetimdi, ol maldyń aýrýdan, órtten, jazataıym oqıǵalardan, tabıǵı apattardan jáne joǵalýynan saqtandyrýdy qarastyrady», dep túsindirdi spıker.
