Pavlodar qalasy ákimshilik polısııa bóliminiń basshysyna qatysty qylmystyq is №2 sotta qaraldy. Jaıaý júrginshini qaǵyp ketken kólik júrgizýshisi jazadan qutylý úshin polısııa maıoryna 59 myń teńge bergen.
Sottalýshynyń kinási kýágerlerdiń aıǵaqtary, qujattyq dáleldemeler jáne saraptama qorytyndylary boıynsha dáleldendi.
Sot qylmystyq jaýapkershilik pen jazany jeńildetetin jaǵdaılardy eskerdi. Kináliniń úsh kishkentaı balasy bar jáne buryn qylmys jasamaǵany belgili boldy. Ol kinásin moıyndaǵan. "Jasalǵan aýyr sybaılas jemqorlyq qylmysynyń qoǵamǵa qaýiptilik dárejesin, qoǵamnyń memleketke degen senimine nuqsan keltiretinin eskere otyryp, sottalýshyǵa úsh jyl bas bostandyǵynan aıyrý túrinde jaza taǵaıyndaldy", dedi №2 sottaǵylar.
Sondaı-aq, polısııa maıor sheninen aıyryldy, ol endi eshqashan memlekettik qyzmette eńbek ete almaıdy.
Úkim zańdy kúshine áli engen joq.
