«Qurylys prosesi fýnksıonaldyq ártúrlilik, qurylys tyǵyzdyǵy, oryn aýystyrý jaılylyǵy, turǵyn úıdiń azamattardyń qajettilikterine sáıkestigi, sondaı-aq turǵyndardyń qaýipsizdigi men densaýlyǵy qaǵıdattaryn eskere otyryp júzege asyrylatyn bolady. Bas josparlar men egjeı-tegjeıli josparlaýdy sapaly ázirleý men iske asyrýdy qamtamasyz etý úshin barlyq deńgeıdegi qala qurylysy jobalaryna biryńǵaı qala qurylysy saraptamasyn engizý josparlanýda», delingen vedomstvo habarlamasynda.
Biryńǵaı qala qurylysy saraptamasyn engizý sapaly josparlaýdy, bastapqy materıaldardy keshendi tekserýdi, qala jobalaryn ázirleý jáne kelisý talaptarynyń saqtalýyn qamtamasyz etedi dep kútilýde.
«2021 jyly Memleket basshysy Qazaqstan halqyna arnaǵan Joldaýynda «Adamdar – ınfraqurylymǵa» qaǵıdatyn saqtaı otyryp, aglomerasııalardy damytý týraly Zań jáne keshendi qala qurylysynyń jańa standarttaryn ázirleýdi tapsyrǵan bolatyn. Bul, eń aldymen, qala qurylysyna, qala qurylysy saraptamasy ınstıtýtyna, qurylys salasynda online-esepke alý men tirkeýge jańa standarttardy engizý», dep atap ótti QR IIDM baspasóz qyzmetinde.
