34-shi ret uıymdastyrylǵan bilim básekesine álemniń 38 eli: Argentına, Avstralııa, Bangladesh, Kambodja, Kanada, Chılı, Kolýmbııa, Kosta-Rıka, Ekvador, Salvador, Gonkong, Indonezııa, Iаponııa, Kazahstan, Koreıa, Kyrgyzstan, Malaızııa, Meksıka, Novaıa Zelandııa, Pakıstan, Panama, Perý, Fılıppıny, Pýerto-Rıko, Katar, Rossııa, Sıngapýr, Shrı-Lanka, Taıvan, Tadjıkıstan, Taıland, Trınıdad ı Tobago, Týrkmenıstan, SShA, Gondýras, Ońtústik Afrıka, Týrsııa, Ýrýgvaı jáne t.b ozat oqýshylary oflaın formatta qatysty.
Eskerte ketetini, halyqaralyq olımpıadany uıymdastyrý komıteti barlyq eldegi qatysýshylarǵa bir ýaqytta tapsyrma berip, úzdikterdi anyqtady.
Bıylǵy olımpıadada qazaqstandyq talapkerler joǵary kórsetkish kórsetti. Atap aıtar bolsaq, 131 olımpıadashynyń 40-y júldeli orynnan kórindi. Onyń 5-i birinshi oryn, 13-i ekinshi oryn, 22-i úshinshi oryn aldy.
Halyqaralyq olımpıadada Nur-Sultan qalasyndaǵy qos bilim ordasy – respýblıkalyq fızıka-matematıkalyq mekteptiń (RFMM) oqýshysy Tamerlan Býrambaev men halyqaralyq «SPECTRUM» mektebiniń oqýshysy Fethýllah Sam altyn medalǵa ıe boldy.
Sondaı-aq Almaty qalasyndaǵy RFMM oqýshysy Raıymbek Baıshýaq, Qostanaı qalasyndaǵy daryndy balalarǵa arnalǵan «Bilim-Innovasııa» lıseı-ınternatynyń oqýshysy Jan Daýtov, Qaraǵandy qalasyndaǵy hımııa-bıologııa baǵytyndaǵy Nazarbaev ıntellektýaldy mektebiniń oqýshysy Rahım Baımýrzın úzdikter qatarynan kórindi.
