Bárimizdiń altyn qazyǵymyz, ortaq qundylyǵymyz – ulttyq múdde

Qazirgi geosaıası jaǵdaı da, elimizdegi ahýal da sony kórsetedi. Osy oraıda qańtar oqıǵasyna toqtala ketsem. Tóńiregimizde bolyp jatqan ahýaldardan anyq baıqap otyrmyz. Tóń­ke­ris, bılikti kúshtep basyp alý – adam quqyqtaryna, ádilettilikke jasalǵan eń úlken qııanat. Eger qańtarda tóńkeris júzege asqanda, onda elimiz artqa ketetin edi. Memleketimizdiń abyroıyna nuqsan kelip, sozylmaly dertke aınalar edi. Prezıdent tóńkeriske toıtarys berý arqyly óziniń demokratııalyq qaǵıdattarǵa, saıası re­for­malarǵa berik ekenin kórsetti. Sonyń jolynda tabandylyq tanytatynyn aıqyndap berdi. Muny Joldaýdan da anyq ańǵardyq. Joldaý – Qazaqstannyń uzaq merzimdi bolashaǵyn aıqyndaıtyn strategııalyq qoǵamdyq qujat.

Osy oraıda myna máselege nazar aýdarǵym keledi. Azamattyq qoǵamnyń klas­sıkalyq anyqtamasynyń bir kóri­ni­si – buqaralyq aqparat quraldary. Bul máselege de Prezıdent Joldaýynda erekshe mán berildi. BAQ týraly jańa zańdy ázirleý jáne qabyldaý, jýr­nal­ısterdiń shynaıy bostandyǵy men kásipqoılyǵyn qamtamasyz etý, elde erkin aqparattyq keńistikti qalyptastyrý – demokratııanyń joly ǵana emes, ulttyq qaýipsizdik máselesi desek, asyra aıtqanymyz emes. Tapsyryspen áleýmettik jelide nemese buqaralyq aqparat quraldarynda bet jyrtysýdan mádenıettilikke, bilimdilikke kóshýimiz qajet. Sondyqtan osyndaı jolaıryqta biliktilik, mádenıettilik, ádilettilik pen jaýapkershilik asa mańyzdy.

Ekinshi jaǵynan, osyndaı basqosý da azamattyq qoǵamnyń kórinisi. О́ıtkeni baısaldy áńgime qazir, ásirese zııa­ly qaýymǵa degen senimge selkeý túsken sátte asa qajet. Sondyqtan Jańa Qazaq­stan­da jaltaq emes, jaǵympaz emes jańa zııaly orta ósip shyǵýy kerek. Jańa sóz aıtylýǵa tıis. Qazaqstannyń bola­sha­ǵy­na, keleshek kelbetine, ulttyń bolmy­sy­na qatysty máselelerde baısaldy pikirtalas júrýge tıis. Sondyqtan dıalog alańy atyna zaty saı, ulttyq múd­de­ge qyzmet etetin úlken minberge aına­lady dep senemin. Senattyń janynan qurylýy buǵan múmkindik berip, bedelin kóteredi, mańyzyn arttyrady.