Qoǵam • 18 Naýryz, 2022

Kedeılik problemasy áıelderge kóbirek keri áser etedi

52 ret kórsetildi

BUU-nyń Nıý-Iorktegi (AQSh) shtab-páterinde Áıelder jaǵdaıy jónindegi komıssııanyń (CSW66) 66-sessııasy óz jumysyn bastady. Oǵan Qazaqstan delegasııasy qatysýda.

25 naýryzǵa deıin jalǵasatyn sessııa otyrystarynyń basty taqyryby: «Genderlik teńdikke qol jetkizý jáne klımattyń ózgerýi, qorshaǵan ortany qorǵaý jáne apattar qaýpin azaıtý salasyndaǵy saıasat pen baǵdarlamalar aıasynda barlyq áıelder men qyzdardyń quqyqtary men múmkindikterin keńeıtý». CSW66-da Qazaqstan delegasııasy quramynda Lazzat Ramazanova tóraǵalyǵymen Qazaqstan Prezıdenti janyndaǵy Áıelder isteri jáne otbasylyq-demografııalyq saıasat jónindegi Ulttyq komıssııa, Qazaqstandaǵy Adam quqyqtary jónindegi ýákil Elvıra Ázimova, Prezıdent keńesshisi Marjan Ákimjanova, SIM jáne elimizdiń BUU janyndaǵy Turaqty ókildiginiń ókilderi, qoǵam qaıratkerleri bar.

«Klımattyń ózgerýi – ortaq syn-qaterimizdiń biri. Bul qazirgi 66-sessııanyń basym taqyryby. Álem otqa oranýda. Ol dúnıe júziniń kez kelgen buryshyna áser etip, Tynyq muhıttan Arktıkaǵa deıin beıbitshilikke, azyq-túlik qaýipsizdigi men turaqty damýǵa qaýip tóndirdi. Barlyq basqa daǵdarystaǵydaı, klımattyń ózgerýi áıelder men qyzdarǵa úlken áser etedi... Búgin men qaıtadan barshańyzdy álemdegi áıelder men qyzdardy klımat máselelerin sheshýge tolyq jáne maǵynaly túrde tartýǵa shaqyramyn», dedi BUU Áıelder jaǵdaıy jónindegi komıssııanyń 66-sessııasynyń ashylýynda sóılegen sózinde «BUU-áıelder» uıymynyń Atqarýshy dırektory Sıma Bahýs.

«О́kinishke qaraı, klımattyń ózgerýi, qorshaǵan ortanyń nasharlaýy, apattardyń jaǵymsyz áserlerin sezinetin osal toptardyń arasynda qyzdar men áıelder jıi kezdesedi. Mysaly, Qazaqstanda tamaq daıyndaý úshin las otyndy paıdalanýǵa baılanysty energetıkalyq kedeılik problemasy áıelderge kóbirek keri áser etedi», dep málimdedi Qazaqstandaǵy «BUU-áıelder» uıymynyń ókili Marııa Dosenko. Ol, DDU baǵalaýy boıynsha, jyl saıyn 10 myńnan astam qazaqstandyq aýanyń lastanýyna baılanysty sebepterden kóz jumatynyn, onyń ishinde 5 myńnan astam adam lastanǵan aýadan qaıtys bolatynyn eskertti.

Qazaqstan delegasııasy 14 naýryzda BUU shtab-páterinde «Qazaq­stan-BUU: genderlik teńdikti ilgeri­letý jáne áıelderdiń quqyqtary men múmkindikterin keńeıtý boıynsha yntymaqtastyqqa 30 jyl» fotokórmesin usyndy. Fotosýret­terde Táýelsizdiktiń 30 jyldaǵy elimizdiń negizgi genderlik jetistikteri usynylǵan. Olardyń ishinde: áıelder úshin tyıym salynǵan mamandyqtar tizimin joıý, áıelder kásipkerligin qoldaý ortalyqtaryn ashý, zańnamaǵa negizgi ózgerister, genderlik zorlyq-zombylyq pen ekonomıkalyq ádilettilik pen quqyqtarǵa qarsy is-qımyl jónindegi «Teńdik urpaǵy» forýmynyń is-qımyl koalısııalaryna qosylý, BUU Qaýipsizdik Keńesiniń Áıelder, beıbitshilik jáne qaýipsizdik týraly 1325 qararyn iske asyrý jónindegi is-qımyl josparyn qabyldaý jáne taǵy basqalar bar.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar