«Qazaqstannyń eksportqa jáne ishki naryqqa jetkizýge arnalǵan munaı tasymalynyń ártaraptandyrylǵan júıesi bar:
- Qazaqstandyq munaıdyń eksporty Kaspıı qubyr konsorsıýmynyń munaı qubyry;
- Atyraý-Samara munaı qubyry;
- Atasý-Alashankoý munaı qubyry;
- Aqtaý teńiz porty; temir jolmen júzege asyrylady. Búgingi tańda munaı eksporty boıynsha shekteýler joq», dedi ol mınıstrliktiń keńeıtilgen alqa otyrysynda.
Osy rette mınıstr Keńqııaq-Atyraý munaı qubyry boıynsha osy jylǵy 1 mln tonnadan 6 mln tonnaǵa deıin keri baǵytta munaı aıdaý jáne Batys Qazaqstan munaıyn Qazaqstan Respýblıkasynyń munaı óńdeý zaýyttaryna jáne Qytaı Halyq Respýblıkasyna eksportqa berýdi qamtamasyz etý máselelerin sheshý qajettigin aıtty.
«Osyǵan baılanysty vıse-mınıstr Áset Maratuly Maǵaýovqa «QazTransOılmen» birlesip, Atyraý-Keńqııaq munaı qubyrynyń reversin keńeıtý jobasyn iske asyrý máselesin pysyqtaýdy tapsyramyn», dedi Bolat Aqsholaqov.
