«Qazir epıdahýaldyń jaqsarýyna baılanysty barlyq shekteý alynyp tastaldy. Endi burynǵy kovıdsiz ómirdi qaıta qalpyna keltirý kerek. Sondyqtan barlyq merekelik sharalarǵa shekteý qoıylmaıdy», dep jaýap berdi Ajar Ǵınııat ortalyq kommýnıkasııalar qyzmetinde jýrnalıst suraǵyna.
Degenmen, mınıstr ár adam óz densaýlyǵyn oılaýy keregin, aýyryp júrgender erikti túrde oqshaýlanýy qajettigin aıtty.
«JRVI nemese qandaı da bir tumaýmen aýyryp júrgen adam kóp jınalatyn oryndarǵa barmaǵany durys», dedi Ajar Ǵınııat.
Aıta keteıik, naýryz aıynda koronavırýspen syrqattaný kórsetkishi 33 ese tómendegen. Qazir elimizdiń barlyq óńiri jasyl aımaqta ornalasqan.
