Qoǵam • 23 Naýryz, 2022

Qala qurylysyna qatań tártip qajet

14066 ret kórsetildi

Keıingi kezde Nur-Sultan jáne Almaty qalalary turǵyndarynyń ózderi turyp jatqan kópqabatty turǵyn úılerdiń qasynan qosymsha qurylys salýǵa qarsy narazylyq bildirýi jıilep ketkeni málim. Osyǵan oraı Memleket basshysynyń baspasóz hatshysy Berik Ýálıdiń habarlaýynsha, jaqynda Prezıdent Qasym-Jomart Toqaev atalǵan megapolısterdiń ákim­derine qala turǵyndarynyń ótinish­terine qulaq asyp, turǵyn úı keshen­deriniń janynan bıik úılerdi tyǵyz salýdy toqtatyp, olardyń ornyna áleý­met­tik obektiler, saıabaqtar men bala­larǵa arnalǵan sport alańdaryn salýǵa basa mán berýdi tapsyrypty.

Rasynda da, osyǵan deıin qalalyq ákim­dikterdiń «tilin tabýdy» biletin qurylys kompanııalarynyń ıeleri men jekelegen kásipkerler tek paıda kórýdi oılap, tur­ǵyndardyń talap-tilekterin elep-eskermes­ten, kópqabatty turǵyn úılerdiń aýlalaryn múldem taryltyp jańa turǵyn úıler men basqa da obek­tiler salmaq bolyp, aıaqastynan daý-damaı týǵyzyp keldi. Buǵan aıǵaq retin­de alysqa barmaı-aq, bıylǵy jyl­dyń basynda elordadaǵy Highvill Astana tur­ǵyn úı kesheniniń turǵyndary Highvill Kazahstan jaýapkershiligi shekteýli serik­tes­tiginiń buryn josparlanǵan mektep pen balabaqshanyń ornyna birneshe kóp­páterli turǵyn úı salýyna ashyq narazylyq bil­dirgenin aıtýǵa bolady.

Al Almatyda byltyr «Jetisý-3» shaǵyn­aýdanynyń turǵyndary óz úıleriniń janynan taǵy bir turǵyn úı keshenin salýǵa qarsy shyqqan. Olar onsyz da kólik qoıatyn oryn jetispeıtinine, balalar alańy joqtyǵyna shaǵymdanǵan. Sondaı-aq ótken jyly ońtústik astanada erterekte jer zańnamasyn óreskel buzýshylyqqa jol berilýiniń saldarynan Ermensaı shaǵynaýdanyndaǵy bir kóppáterli turǵyn úıdiń aýlasyndaǵy balalar alańyn jekemenshik ıesi buzyp tastaı jazdaǵan.

«Qyzym saǵan aıtamyn, kelinim, sen tyńda» demekshi, Prezıdenttiń qos megapolıs ákimderine bergen tapsyrmasyn basqa qalalardyń basshylary da qaperlerine alsa, quba-qup. О́ıtkeni qurylys zańnamasyn buzý derekteri óńirlerdegi talaı shahardan tabylyp jatqany belgili.

Máselen, byltyr Atyraý qalasyndaǵy «Gaýhartas» turǵyn úı kesheniniń turǵyn­dary ózderi qarjy jınap, birlesip ornatqan balalar alańynyń ornyna onyń ornalasqan jerin budan on jyl buryn satyp alǵan qurylys kompanııasynyń jańa turǵyn úı salýyna qarsylyq bildirgen. Al Qaraǵandy qalasynyń ortalyǵyndaǵy eski kóppáterli turǵyn úılerdiń turǵyndary shahar shetinde bos jer jetkilikti ekenine qaramastan, óz baspanalarynyń janyndaǵy shaǵyn baqtaǵy júzdegen aǵashty túgel otap tastap,  jańa turǵyn úı keshenin salýǵa narazylyq tanytqan.

«Qýyrdaqtyń kókesin túıe soıǵanda kóresiń» degendeı, kezinde bir pysyqaı kásipkerdiń Petropavl qalasynyń ortalyq saıabaǵynyń shetine suǵyna engizile salynyp jatqan záýlim turǵyn úıiniń qu­rylysyn kórgen jergilikti turǵyn­dar qansha dabyl qaqqanymen, oǵan qulaq asqan eshkim bol­maǵany jadymyz­da. Tipti quqyq qorǵaý organdary da tekseris júrgizgenimen, «Bári zańdy» dep, dármen­sizdik kórsetken.

Mundaı belden basýshylyqtarǵa qala­lardyń bas josparlaryn óreskel burma­laýdyń saldarynan jol berilip kelgeni sózsiz. Árıne, onyń negizgi sebebi – qurylys pen jer qatynastary salalaryndaǵy sybaılas jemqorlyqtyń tamyryn tereńge jibergeninde. Sondyqtan da atalǵan sa­lalarǵa qatysty qoldanystaǵy zańnamany qaıta qarap, qataıta túsý qajettigi daýsyz. Atap aıtqanda, kez kelgen eldi mekenniń bas jospary – qala qurylysynyń buljymas zańyna aınalýǵa tıisti. Ony ázirleý jáne qabyldaý jergilikti turǵyndardyń keńinen qatysýymen ári barynsha ashyq júrgizilgeni jón. Bul qujatqa ýaqyt óte kele, zaman talabyna saı engiziletin ishinara ózgerister de jurtshylyqtyń jarııa  talqysyna salynyp baryp qana qabyldanýy kerek. Buǵan qosa, kez kelgen eldi mekenniń bas josparynyń qatań saqtalýy úshin ýákiletti memlekettik organdar basshylarynyń jaýaptylyǵyn kúsheıtpese bolmaıdy. О́ıtkeni bas jos­pardy burmalaý dereginiń qaısysyn alyp qarasańyz da, jemqorlyqtyń jaman ıisi múńkip turady.

Sońǵy jańalyqtar

«Jalynan sıpatpaıtyn» jalaqy

Qoǵam • Búgin, 00:15

Izgiliktiń alǵashqy qadamy

Aımaqtar • Búgin, 00:11

Úsh nysannyń irgetasy qalandy

Aımaqtar • Búgin, 00:10

О́zgermeli álemdegi yntymaqtastyq joly

Saıasat • Búgin, 00:06

Jetinshi sezdiń arqalaǵan júgi qandaı?

Qazaqstan • Búgin, 00:03

Iemende jaǵdaı turaqtalyp keledi

Álem • Búgin, 00:02

«Bir juldyz bolyp qalam men»

Rýhanııat • Keshe

Kenııanyń kóz jasy

Ádebıet • Keshe

Zaýyt súzgileri aýystyryldy

Qazaqstan • Keshe

Arystanmen arbasý

О́ner • Keshe

Uqsas jańalyqtar