Nur-Sultan qalasy Mádenıet jáne Bilim basqarmalarynyń qoldaýymen ótken sharany «Astana Polytechnic» joǵary kolledji uıymdastyrdy.
Astana konsert zalynda ótken án dodasyna joǵary oqý oryndary men tehnıkalyq jáne kásiptik bilim berý uıymdarynan 16 jup ónerpaz qatysty. Baıqaý barysynda saıyskerler án aıtyp qana qoımaı, teatrlandyrylǵan kórinis pen horeografııalyq qoıylym da kórsetti.
Qazylar alqasy arnaıy shaqyrylǵan biliktiligi joǵary, óner salasynyń maıtalmandarynan quralǵan. Atap aıtqanda, QR Kompozıtorlar odaǵynyń tóraǵasy Serikjan Ábdinurov, E.Rahmadıev atyndaǵy memlekettik akademııalyq fılarmonııasy estradalyq jáne klassıkalyq vokal bóliminiń kórkemdik jetekshisi Araılym Raqymqyzy, QR «Ulttyq ulan» ansambliniń kórkemdik jetekshisi Darhan Rahymǵalıev, Beıbitshilik jáne kelisim saraıynyń dırektory Narıma Muhambetalına jáne E.Rahmadıev atyndaǵy memlekettik akademııalyq fılarmonııanyń ánshisi, respýblıkalyq jáne halyqaralyq baıqaý júldegeri Aıdyn Jumabaev tórelik etti.
Baıqaý nátıjesinde I orynǵa «Astana Polytechnic» joǵary kolledji, II orynǵa «Shıpager» medısınalyq kolledji, III orynǵa Astana halyqaralyq ýnıversıtetiniń pedagogıkalyq kolledji ıe boldy. Jeńimpazdar qarjylaı syılyqqa ıe boldy.
