«2021 jylǵy qazanda Shekara qyzmeti men UQK-nyń Mańǵystaý oblysy boıynsha departamenti Kaspıı teńizi sý aılaǵyndaǵy birlesken is-sharalar barysynda Qazaqstan Respýblıkasynyń Memlekettik shekarasyn qasaqana zańsyz kesip ótkeni úshin eki shetel azamaty mingen «Amýr» tıpti shaǵyn kemeni ustady», delingen habarlamada.
Vedomstvo málimetinshe, júzý quralyn tekserý barysynda salmaǵy 14 keli «apıyn», 8 keli «gashısh» jáne «metadon» psıhotroptyq zatynyń 29 plastınasy tabylyp, tárkilengen.
2021 jylǵy jeltoqsanda ustalǵandardyń biri 392-baptyń 1-bóligi («Qazaqstan Respýblıkasynyń Memlekettik shekarasyn qasaqana zańsyz kesip ótý») boıynsha kináli dep tanylyp, 5 jyl merzimge QR sheginen shyǵarýmen 6 aıǵa bas bostandyǵynan aıyrylǵan.
2022 jylǵy 10 naýryzda Mamandandyrylǵan aýdanaralyq sot ekinshi sheteldik azamatty Qylmystyq kodekstiń birneshe baby boıynsha kináli dep tanyǵan. Oǵan jazasyn qylmystyq-atqarý júıesiniń qaýipsizdigi barynsha joǵary mekemesinde óteı otyryp, 17 jylǵa bas bostandyǵynan aıyrý jazasy kesilgen.
