Balalardy 1-synypqa 6 jastan bastap ata-anasynyń nemese bilim alýshylardyń zańdy ókiliniń jeke ótinishi negizinde qabyldanady. Osy oraıda mynadaı qujattar qajet: balanyń týý týraly kýáliginiń kóshirmesi; 026/ý-3 nysany boıynsha densaýlyq pasporty; 063/ý nysany boıynsha densaýlyq jaǵdaıy týraly qujat (ekpe kartasy) jáne 3h4 kólemindegi fotosýrettiń eki danasy.
«Qujattardy qabyldaý bıylǵy jyldyń 1 sáýirinen 1 tamyzyna deıin jalǵasady. Birneshe jyl boıy qujattardy jáne balalardy mektepke qabyldaý boıynsha memlekettik qyzmet avtomattandyryldy. 1-synypqa qabyldaý elektrondyq úkimettiń Egov.kz veb-portaly arqyly júzege asyrylady», dedi G. Kárimova.
О́ńirlerdegi bilim basqarmalary áleýmettik jeliler men BAQ arqyly ata-analar arasynda balalardy mektepke qabyldaý erejeleri týraly aqparattyq-túsindirý jumystaryn qosymsha júrgizetin bolady.
Onyń aıtýynsha, bıyl birinshi synypqa 420 myń búldirshin barady dep josparlanǵan. Bul kórsetkish byltyrǵa qaraǵanda joǵary.
