Atalǵan jıynǵa Túrkistan oblysynyń ákimi О́.Shókeev, Qazaqstan Respýblıkasy Parlamenti Májilisiniń depýtaty Ǵ.Tashqaraev, oblystar, Nur-Sultan, Almaty, Shymkent qalalary máslıhattarynyń hatshylary, depýtattar, Túrkistan oblysy qalalary men aýdandary máslıhattarynyń hatshylary qatysty.
Jıyndy «Qazaqstan máslıhattary depýtattarynyń birlestigi» respýblıkalyq qoǵamdyq birlestiginiń tóraǵasy T.Muqashev júrgizip otyrdy.
Atalǵan jıynda tómendegideı máseleler qaraldy:
- QR Prezıdenti Q.K.Toqaevtyń 2022 jylǵy 16 naýryzdaǵy «Jańa Qazaqstan: jańarý men jańǵyrý joly» atty Qazaqstan halqyna Joldaýyn talqylaý jáne júzege asyrý;
- «Jańa Qazaqstandy» qurý úshin qýatty máslıhattar men bilikti depýtattardy qalyptastyrý joldary;
- «Qazaqstan máslıhattary depýtattarynyń birlestigi» respýblıkalyq qoǵamdyq birlestiginiń 2022 jylǵa arnalǵan jumys josparyn bekitý;
- «Qazaqstan máslıhattary depýtattarynyń birlestigi» respýblıkalyq qoǵamdyq birlestiginiń Qazaqstan Respýblıkasy Prezıdenti Qasym-Jomart Toqaevtyń «Jańa Qazaqstan: jańarý men jańǵyrý joly» Joldaýyn júzege asyrý boıynsha qazaqstandyqtarǵa arnaǵan «Jańa Qazaqstandy birge órkendeteıik!» atty Úndeýin qabyldaý.
Eki kúnge sozylǵan jıynda Qazaqstan Respýblıkasy Parlamenti Májilisiniń depýtaty Ǵ.Tashqaraev, Túrkistan, Aqtóbe, Almaty, Qyzylorda, Batys Qazaqstan oblystyq máslıhat hatshylary kún tártibindegi máseleler boıynsha baıandama jasady.
Sonymen qatar, Joldaýdan týyndaıtyn barlyq deńgeıdegi máslıhattardyń rólin kúsheıtý jáne qýatty máslıhat qalyptastyrý boıynsha qoldanystaǵy Zańnamalarǵa ózgeris engizý jolynda jumys júrgizý úshin qundy usynystar jınaqtaldy.
Jıynnyń qorytyndysy retinde Qazaqstan Respýblıkasynyń Prezıdenti Qasym-Jomart Toqaevtyń «Jańa Qazaqstan: jańarý men jańǵyrý joly» Joldaýyn júzege asyrý boıynsha qazaqstandyqtarǵa arnalǵan «Jańa Qazaqstandy birge órkendeteıik!» Úndeýi qabyldanyp, Qazaqstan máslıhattary depýtattarynyń birlestigi» respýblıkalyq qoǵamdyq birlestiginiń 2022 jylǵa arnalǵan jumys jospary bekitildi.
