Atap aıtqanda, birinshi, medısınalyq uıymdardy oftalmologııalyq jáne sýrdologııalyq skrınıngke jáne aýrýlardy erte dıagnostıkalaýǵa arnalǵan jabdyqpen qamtamasyz etý baǵdarlamalary. Bul skrınıng múgedektik qaýpi bar balalardy erte anyqtaýǵa baǵyttalǵan. Qor Densaýlyq saqtaý mınıstrligimen jáne oblystyq densaýlyq saqtaý basqarmalarymen birlese otyryp, jabdyqqa degen qajettilikti anyqtap, osy saladaǵy dárigerlerdiń quzyrettiligin arttyrýdy qolǵa almaq;
ekinshi, orfandyq aýrýlary bar naýqastardy dári-dármekpen qamtamasyz etý jobasy. Qor Densaýlyq saqtaý mınıstrligimen jáne jergilikti atqarýshy organdarmen birlese otyryp, orfandyq (sırek kezdesetin, ómirge qaýip tóndiretin) aýrýlary bar balalardy dári-dármekpen qamtamasyz etý boıynsha tizimderin qalyptastyrý jáne jaýapkershilikti bólý boıynsha jumystardy júrgizýde;
úshinshi, aǵzalar men tinderdi transplantasııalaýdy qajet etetin naýqastarǵa, sondaı-aq onkologııalyq jáne onkogematologııalyq patologııalary bar naýqastarǵa qaıyrymdylyq kómek kórsetý jobalary. Qor qaıyrymdylyq kómek kórsetýdi shetelde emdelýge nusqaý týraly qorytyndy berilgen jaǵdaılarda jáne ony memlekettik bıýdjet qarajaty esebinen shetelge jiberýge obektıvti sebepter bolǵan jaǵdaıda ǵana qaraıdy. Qor Densaýlyq saqtaý mınıstrligimen, respýblıkalyq ǵylymı uıymdarmen birlese otyryp, donorlyq ortalyqtardy jaraqtandyrý jáne transplantasııalyq úılestirýshilerdi oqytý, sondaı-aq súıek kemiginiń halyqaralyq bankterimen ıntegrasııalanǵan donorlyq málimetter bazasyn uıymdastyrý, jergilikti kadrlardy emdeýdiń jańa ádisterine oqytý boıynsha jumystardy júrgizetin bolady. Dárilik zattarmen qamtamasyz etýdi qarjylandyrý, eger bul qarajat Qazaqstan Respýblıkasynda tirkelmese nemese belgili bir sebeptermen Qazaqstan Respýblıkasynda satyp alynbasa, biraq pasıentti emdeý hattamalarynda kózdelgen bolsa, qor qarastyrady. Bul tásilder qordyń saıtynda jarııalanǵan.
Qamqorshylyq keńes júıelendirý jáne ashyqtyqty qamtamasyz etý maqsatynda densaýlyq saqtaý, bilim berý, áleýmettik qamsyzdandyrý, mádenıet jáne sport salalarynda qaıyrymdylyq kómek kórsetý jobalary men baǵdarlamalaryn irikteý krıterıılerin bekitti. Osy krıterıılerge sáıkes áleýmettik saladaǵy máselelerdi sheshýge baǵyttalǵan úkimettik emes uıymdardyń ótinimderine konkýrstyq irikteý júrgiziledi. Bekitilgen qujat qordyń saıtynda jarııalanǵan.
«Qaıyrymdylyq týraly» Qazaqstan Respýblıkasynyń Zańyna sáıkes Qamqorshylyq keńesi qordyń 2022 jylǵa arnalǵan jumys josparyn bekitti. Jospar Memleket basshysynyń Keńes otyrysynda sóılegen sózinde aıqyndaǵan maqsattar men mindetterge súıene otyryp qalyptastyryldy. Sondaı-aq Qazaqstan Respýblıkasy Parlamenti Májilisi 2022 jylǵy 11 qańtarda Úkimettiń 2022 jylǵy 8 aqpandaǵy keńeıtilgen otyrysy, aqpanda «Haziret Sultan» meshitinde qańtar oqıǵasy qurbandaryn eske alý rásimi ótti. 2022 jylǵy 13 qańtarda 2022 jylǵy 21 qańtarda otandyq bıznes ókilderimen kezdesý, sondaı-aq Qamqorshylyq keńes músheleriniń, ÚEU, memlekettik organdardyń, salalyq sarapshylardyń, basqa da múddeli taraptardyń qatysýymen ótken strategııalyq otyrystardyń qorytyndylary boıynsha jáne azamattardyń ótinishterin taldaý prosesteri eskerildi.
Osy Jospar qor qyzmetiniń baǵyttary ázirlenip, jańa mindetter paıda bolýyna, jobalar men baǵdarlamalardy irikteý nátıjelerine qaraı jańartylatyn jáne tolyqtyrylatyn bolady. Jospar qordyń saıtynda ornalastyrylǵan.
Qamqorshylyq keńes 2022 jylǵy 25 naýryzdaǵy jaǵdaı boıynsha qor basqarmasynyń kórsetilgen qaıyrymdylyq kómek týraly esebin qarady. Qordan qaıǵyly qańtar oqıǵasynda zardap shekkenderge jalpy somasy 495 mln teńgege qaıyrymdylyq kómek kórsetildi, onyń ishinde:
- qaza tapqan áskerı qyzmetkerlerdiń, ishki ister jáne ulttyq qaýipsizdik organdary qyzmetkerleriniń otbasylaryna – 133 mln teńge.
- aýyr jaraqat alǵan áskerı qyzmetkerlerge, ishki ister jáne ulttyq qaýipsizdik organdarynyń qyzmetkerlerine – 318 mln teńge.
- qańtar oqıǵasynyń kezdeısoq qurbany bolǵan Qazaqstan Respýblıkasy azamattarynyń otbasylaryna – 35 mln teńge.
- qańtar oqıǵasy kezinde zardap shekken balalardyń otbasylaryna – 9 mln teńge.
Bul baǵyttaǵy jumystar áli de jalǵasýda, azamattardyń óliminiń mán-jaıyn quzyrly organdar anyqtap jatyr.
Omyrtqa bulshyqetiniń atrofııasyna shaldyqqan 4 balaǵa Qazaqstan Respýblıkasynda tirkelmegen Onasemnogene Abeparvovec (ZOLGENSMA) preparatyn satyp alý úshin jalpy somasy 3,7 mlrd teńgeni qor tóledi. Naýqastar aýrýhanaǵa jatqyzyldy, ár naýqas úshin jeke dárilik zatty óndirý úshin barlyq naýqastan bıomaterıal alyndy. Birinshi balaǵa preparat 26 naýryzda engizildi, qalǵandaryn 8 sáýirge deıin engizý josparlanýda.
Qamqorshylyq keńes qor basqarmasy týraly erejeni bekitti, atamekenim.kz onlaın-platformasyna kelip túsken ótinishterdi qaraý, qor janynan qurylǵan konsýltatıvtik-keńesshi organdardyń jumysy týraly aqparatty, sondaı-aq qor keńesi týraly aqparatty nazarǵa aldy.
Qamqorshylyq keńes basqarmaǵa halyqtyń áleýmettik jaǵynan osal sanattary – kópbalaly otbasylar, AÁK alýshylar, múgedekter jáne basqa da sanattar arasynan ataýly kómek alýshylar – azamattar sanattaryn aıqyndaý tásilderi men naqty krıterıılerin ázirleý úshin jumys tobyn qurýdy tapsyrdy.
Bekitilgen qujattar boıynsha basqarmaǵa da tıisti tapsyrmalar berildi. Qamqorshylyq keńestiń qabyldanǵan sheshimderi Qorǵa jobalar men baǵdarlamalardy irikteý, qurylymdaý jáne qaıyrymdylyq kómek kórsetý boıynsha júıeli is-sharalardy bastaýǵa múmkindik beredi.
«Qazaqstan halqyna» QQ Qamqorshylyq keńesi 2022 jylǵy 15 qańtardaǵy Quryltaıshylardyń jalpy jınalysynyń sheshimimen quryldy. Qamqorshylyq keńes músheleri týraly aqparat Qordyń veb-saıtynda berilgen, dep habarlady atalǵan qordyń baspasóz qyzmeti.
