Boljamnyń saqtalýy Kaspı qubyr konsorsıýmy qýattarynyń qysqa merzimge tómendeýine negizdeledi.
Agenttiktiń boljamynsha Qazaqstannyń ornyqty fıskaldyq pozısııasy men aýqymdy syrtqy rezervteri aldaǵy eki jylda Reseıdegi ekonomıkalyq quldyraýdyń saldaryn birshama beıtaraptandyrady.
Qazaqstannyń jalpy munaı eksportynyń 70%-ǵa jýyǵyn Eýropaǵa tasymaldaıtyn KQK qubyrynyń tıeý termınalynyń aýa-raıynyń qolaısyz jaǵdaıyna baılanysty zaqymdanýy eldiń ekonomıkalyq belsendiligi men makroekonomıkalyq kórsetkishterine qysqa merzimge ǵana keri áserin tıgizýi múmkin. Osyǵan baılanysty, Úkimet termınal jumysyn jedel qalpyna keltirýdi josparlap otyr, bul qazirgi ekonomıkalyq jaǵdaıǵa oń áser etedi.
Sondaı-aq, sarapshylar Qazaqstannyń syrtqy aktıvteri qazirgi ýaqytta aıtarlyqtaı jetkilikti ekenin, al jalpy syrtqy qarjylandyrýǵa degen muqtajdyǵy salystyrmaly túrde tómen ekenin atap ótti. Bul rette S&P valıýta naryǵyndaǵy turaqsyzdyqty basý úshin rezervterdi qoldaný saldarynan atalmysh rezervtrdiń kólemi tómendeıdi dep kútýde. Degenmen, agenttik munaı men altynnyń joǵary baǵasy, sondaı-aq syrtqy rezervterdiń jetkilikti deńgeıi Qazaqstanǵa oryn alýy yqtımal shoktardy tabysty eńserýge múmkindik beredi dep sanaıdy.
Teńgedegi depozıtterdiń tartymdylyǵyn saqtaý maqsatynda Ulttyq Bank Úkimetpen birlesip, bıýdjet qarajaty esebinen iske asyrylatyn teńgelik depozıtterdi qorǵaý mehanızmin qabyldady.
Sondaı-aq, S&P pikirinshe, reseılik bankterge qoldanylǵan sanksııalar Qazaqstandyq ekinshi deńgeı bankteriniń qyzmetine áseri shekteýli áser etetinin alǵa tartty.
S&P pikirinshe, qysqa merzimdik perspektıvada kredıt reıtınginiń dınamıkasy KQK-ny qalpyna keltirý jumystarynyń merzimi men syrtqy ekonomıkalyq qyzmetti qoldaýǵa baılanysty bolady, al uzaq merzimdik perspektıvada reıtıng memlekettik ınstıtýttardyń saıasatyn odan ári jetildirý men bıznes-ortany jaqsartýǵa táýeldi bolady.
