Otyrysqa qatysýshylar Qytaımen shekarada júkterdiń ári-beri ótýine qatysty máseleni talqylady.
Qazirgi tańda Qazaqstan-Qytaı shekarasynda bes avtomobıl jáne eki temirjol ótkizý pýnkti, sondaı-aq «Qorǵas» ShYHO» AQ keden beketiniń júk termınaly jumys isteıdi.
Avtomobıl kóligi boıynsha bıylǵy úsh aıda ótken jyldyń sáıkes kezeńimen salystyrǵanda kólik quraldarynyń sany 123%-ǵa (6,3-ten 14,0 myń KQ-ǵa deıin) ósken.
Sonymen qatar kedendik qun ındeksi (KQI) jáne kedendik tólemder ındeksi (KTI) boıynsha oń dınamıka bar: KQI kórsetkishi 75%-ǵa ósti (QHR-dan ımporttalatyn taýarlar boıynsha 1 kg úshin 4 dollardan 7 dollarǵa deıin), KTI kórsetkishi eki ese – 264 teńgeden 561 tg/kg deıin ósti.
«Nur joly» shekaradaǵy ótkizý pýnktine keler bolsaq, taýar tasymaldaýdy uıymdastyrýshy retinde jumysyn bastaǵan «KTZ Express» AQ arqasynda onyń ótkizý qabileti kúnine 10-nan 47 AKQ-ǵa deıin artty. Bul oraıda bir tasymal quny $4500-den $2050 deıin tómendedi. Qolma-qol aqshalaı ózara esep aıyrysý alynyp tastaldy, bul qarajatty kóleńkeli aınalymnan shyǵarýǵa múmkindik berdi. Sonymen qatar elektrondyq kezek boıynsha pılot iske qosyldy.
«Qorǵas» ShYHO-da jyl basynan beri arnaıy kran arqyly 61 KQ aýystyryp tıeldi. Bul rette tarıf eki esege tómendetildi.
Otyrys barysynda ótkizý pýnktterinde keptelis joq jáne jaǵdaı turaqty ekendigi atap kórsetildi.
Álıhan Smaıylov statıstıkalyq sáıkessizdikterdi boldyrmaý úshin tıisti vedomstvolarǵa ımport pen eksportqa qatysty derekterdi ózektendirýdi, sondaı-aq ótkizý pýnktterinde MKK, UQK ShQ jáne QTJ-Ekspress vedomstvoaralyq ózara is-qımylyn kúsheıtýdi tapsyrdy.
Sondaı-aq birqatar ózekti másele talqylandy.
