«Bozoq» ulttyq parki jobasy aıasynda Ǵylym kúnine arnalǵan semınar «Túrki tarıhı-mádenı murasyn reprezentasııalaý men zertteýdegi jańa baǵyttar» taqyrybymen ótti.
Semınardyń maqsaty ortaǵasyrlyq tarıhty zertteýdiń ózekti máselelerin talqylaý, tarıhı-mádenı mura eskertkishterin qaıta qurý jáne tanymal etý boıynsha halyqaralyq tájirıbeni zerdeleý boldy.
Túrkııa men Qazaqstan arasyndaǵy ózara qarym-qatynas dostyqqa, baýyrlastyqqa jáne senimge negizdelgen. Qazaqstan men Túrkııa arasyndaǵy yntymaqtastyq jańa tarıh kezeńinde eki memlekettiń saıası jáne saýda-ekonomıkalyq qatynastardy ǵana emes, mádenı-gýmanıtarlyq baılanystardy da keńeıtýge jáne tereńdetýge umtylýymen erekshelenedi. Atalǵan úderisterge túrkitildes halyqtardyń tarıhı tamyry men mádenı qundylyqtarynyń ortaqtyǵy obektıvti túrde yqpal etedi.
Eki el ǵalymdarynyń birlesken yntymaqtastyǵy tarıhı-mádenı murany zertteý, saqtaý jáne reprezentasııalaý máselelerin sheshýde mańyzdy ról atqarady.
Semınar jumysyna Mádenıet jáne sport mınıstrligi Mádenıet komıteti tóraǵasynyń orynbasary Maqsat Arǵynbekov qatysty. Maqsat Arǵynbekov «Bozoq» jobasy elimizdiń tarıhı-mádenı baılyǵyn damytý jáne saqtaý úshin perspektıvaly sanalatynyn jáne ony Úkimet tarapynan Mádenıet jáne sport mınıstrligi belsendi qoldaıtynyn atap ótti.
«Bozoq» mýzeı-qoryǵynyń dırektory Sáýle Býrbaevaǵa ashyq aspan astyndaǵy «Bozoq» ulttyq parkin qurý jobasyn tanystyrdy.
Túrkııa Respýblıkasy Mádenıet jáne týrızm mınıstrligi kolleksııalar basqarmasy fılıalynyń dırektory Azıme Evrensel «Bozoq» jobasy óziniń biregeıligimen tań qaldyratynyna nazar aýdardy. Tarıhı-mádenı muranyń baılyǵyn saqtap qana qoımaı, sonymen qatar qarapaıym adam úshin óziniń alǵashqy kelbetin qalpyna keltiretin mundaı aýqymdy jobalar búkil álemde óte sırek kezdesedi.
Qazaqstandaǵy TIKA úılestirýshisi Hıkmet О́zdenoýlý Túrkııa tarapynan jobany iske asyrýda yntymaqtastyqqa daıyndyǵyn bildirdi. Hıkmet О́zdenoýldyń usynystarynyń biri – tájirıbe almasý úshin Túrkııanyń mýzeı isiniń jetekshi mamandaryn Qazaqstanǵa jiberý.
Semınar jumysynda Qazaqstannyń mýzeı qyzmetkerleri úshin Túrkııa Respýblıkasynyń jetekshi mádenı jáne ǵylymı ortalyqtaryna taǵylymdamalar uıymdastyrý, Túrkııa Respýblıkasynyń aldyńǵy qatarly ǵylymı jáne mýzeı ortalyqtarynyń restavrasııalaýdaǵy, konservasııalaýdaǵy halyqaralyq jumys tájirıbesin zerdeleý, mádenı murany tanystyrý salasyndaǵy jetistiktermen tanysý máseleleri kóterildi.
Is-sharaǵa QR BǴM ǴK Memleket tarıhy ınstıtýtynyń, L. N.Gýmılev atyndaǵy Eýrazııa ulttyq ýnıversıtetiniń, K.A. Aqyshev atyndaǵy arheologııa ǴZI, Á.H. Marǵulan atyndaǵy arheologııa ǴZI ókilderi qatysty. «Bozoq» jobasyn iske asyrýdyń basty aspektileri jáne ashyq aspan astyndaǵy mýzeılerde tarıhı-mádenı murany reprezentasııalaý jónindegi usynymdar talqylandy.
Qazaqstan strategııalyq seriktesterdiń biri retinde Túrkııa Respýblıkasymen jan-jaqty yntymaqtastyqty nyǵaıtýǵa úlken mán beredi.
