Qalalyq densaýlyq saqtaý basqarmasynyń habarlaýynsha, elordada aýrýdyń ósýin toqtatqan belgili bir ımmýndyq qabat qalyptasqan.
Búgingi tańda qaladaǵy epıdemıologııalyq jaǵdaı turaqtaldy – koronavıýrsty indetpen ınfeksııalyq stasıonarlarda 26 naýqas.
Sondaı-aq, basqarmada sońǵy aptalarda kovıdke qarsy ekpe alǵysy keletinderdiń sany DDU maquldaǵan vaksınany qabyldaı alatyndardyń tizimin keńeıtý arqasynda óskenin atap ótti.
Shetelge shyǵatyn adamdarǵa rastaıtyn qujattar usynylǵan kezde KVI-ǵa qarsy vaksınasııalaýdyń tolyq kýrsyn qaıtadan júrgizýge bolatynyn eskertti mamandar.
Bul rette, vaksınany tańdaý saparǵa shyǵý josparlanǵan eldiń talaptaryna baılanysty júrgiziledi. KVI-ǵa qarsy sońǵy ekpe men KVI-ǵa qarsy vaksınasııanyń qaıtalama tolyq kýrsy arasyndaǵy aralyq keminde 3 aı dep usynylady.
Pfizer-men revaksınalaý búgin 12 jastan asqan barlyq azamattarǵa vaksınasııa aralyǵyn saqtaı otyryp júzege asyrylady.
Búginde qala boıynsha 109 myńnan astam qala turǵyny revaksınasııadan ótti. Búgingi kúni egý pýnktteri alǵashqy býyn uıymdarynda (emhanada), sondaı-aq «Abý Dabı Plaza» SOO jáne «Nurly jol» TJ vokzalyndaǵy (jańa) egý pýnktilerinde ornalasqan.
