Balyqtardyń sýretterin Samal Ibraeva esimdi jergilikti turǵyn Facebook paraqshasyna jarııalaǵan.
«Botanıkalyq baqtaǵy toǵan jasandy, ıaǵnı ol tek sýarý júıesiniń, sýburqaqtyń qyzmetine arnalǵan. Esil aýdanynyń ákimdigi jasandy sý aıdynynda balyq ósirilmeıtinin eskertedi. Sebebi bul sý aıdyny balyqtardyń tirshiligine arnalmaǵan. Balyq shabaqtary munda Nura kanaly arqyly tabıǵı túrde kelgen bolýy múmkin», delingen ákimdik habarlamasynda.
Sonymen qatar ákimdik toǵannyń tereńdigi 0,5 metrden 3,5 metrge deıin ekenin eskere otyryp, sý qoımasy tolyǵymen qatyp qalatynyn túsindirdi.
«Kún jylynǵan kezde aýdan ákimdigi sý qoımasyn tazartý jumystaryn bastaıdy», dedi ákimdik ókilderi.
