«Syıǵa tartý sharty boıynsha «Qazaqtelekom» aksıonerlik qoǵamynyń jarǵylyq kapıtalynyń 24,95%-yn quraıtyn 2 671 481 jaı aksııasyn respýblıkalyq menshikke berý týraly Skyline Investment Company S.A. jeke kompanııasynyń usynysy qabyldansyn», delingen qaýly mátininde.
Sondaı-aq «Alatau Capital Investment» JShS syıǵa tartý sharty boıynsha qoǵamnyń jarǵylyq kapıtalynyń 3,85%-yn quraıtyn qoǵamnyń 413 412 jaı aksııasyn respýblıkalyq menshikke beredi.
Qaýly qol qoıylǵan kúninen bastap qoldanysqa engiziledi.
Aıta ketsek, 13 naýryzda kásipker Qaırat Satybaldyulynyń «Qazaqtelekom» AQ-nyń laýazymdyq ókilettikterin asyra paıdalaný jáne qarajatyn asa iri mólsherde jymqyrý isi boıynsha ustalǵany belgili boldy.
14 naýryzda Sybaılas jemqorlyqqa qarsy is-qımyl agenttiginiń tóraǵasy Oljas Bektenov «Qazaqtelekom» AQ Almaty men Nur-Sultandaǵy keńselerinde tintý júrip jatqanyn habarlady. Sondaı-aq ol kompanııa qarajatyn urlaý faktileri boıynsha tergeý júrgizilip jatqanyn rastady.
