Memleket basshysy Astana Qazaqstan Team velokomandasynyń bas menedjeri, Qazaqstan velosport federasııasynyń vıse-prezıdenti Aleksandr Vınokýrovpen kezdesý ótkizdi.
Olımpıada chempıony Prezıdentke Astana Qazaqstan Team velokomandasynyń sońǵy jetistikteri men aldaǵy jospary týraly aıtty.
Qasym-Jomart Toqaevqa elimizdegi velosporttyń damýy jóninde, buqaralyq jáne balalar men jasóspirimder sportyn qoldaý, sonyń ishinde elimizdiń túrli qalalarynda velosıped tebýdiń ekstremaldi túrimen aınalysatyn sportshylar men áýesqoılar úshin VMH parkterin salý jáne Almatydaǵy velotrekti jańǵyrtý jaıynda málimet berildi.
Memleket basshysy velokomandanyń aldaǵy kezeńge arnalǵan josparyn qoldap, Astana Qazaqstan Team Qazaqstannyń halyqaralyq arenadaǵy sporttyq brendi ekenin erekshe atap ótti.
