Mııaly aýylynyń batysynda jer bederi bıiktetilip, qorǵanys bógetteri kúsheıtilgen.
Oıyl ózeniniń tasýyna baılanysty Qyzylqoǵa aýdanynda tótenshe jaǵdaı jarııalandy. Jaǵdaı oblys ákiminiń jeke baqylaýynda. Bul jaıynda óńir basshysy óziniń áleýmettik jelidegi paraqshalarynda jazdy.
Qazirgi tańda qorǵanys maqsatynda 300 tonna qum jáne 500-den astam topyraq toltyrylǵan qaptar qoıyldy.
Oqıǵa ornynda 3 aýyr tehnıka (2 KAMAZ, 1 pogrýzchık), 70-ten asa aýyl jastarynan toptasqan eriktiler júr. Tótenshe jaǵdaılar departamentiniń 7 qyzmetkeri qaýpi bar aımaqtarda kúsheıtilgen kezekshilikte tur.
Keshe aýyldaǵy úılerdi sý basýdyń aldyn alý úshin «Mııaly-Qarabaý-Inder» avtojolyn jyrý týraly sheshim qabyldandy. Qaýip seıilgennen keıin jol qalpyna keltiriledi.
