Onyń ishinde 23 jetekshi sheteldik tehnıkalyq ýnıversıtet qosyldy. Tizimde Eındhoven tehnıkalyq ýnıversıteti, Gambýrg ýnıversıteti, Lester ýnıversıteti, Phohan ǵylym jáne tehnologııa ýnıversıteti, Drezden tehnıkalyq ýnıversıteti jáne taǵy basqalary da bar.
Bilim jáne ǵylym mınıstrligi Memleket basshysynyń tapsyrmasy boıynsha «Bolashaq» halyqaralyq baǵdarlamasyn qaıta baǵdarlaýdy júrgizip jatyr. Kadrlar daıarlaýda tehnıkalyq mamandyqtarǵa basymdyq berilip otyr.
Sonymen qatar bıyl granttardyń 60%-y tehnıkalyq mamandyqtarǵa bólinedi. Sheteldik ýnıversıtetterdiń sany kóbeıip qana qoımaı, geografııasy da keńeıdi. Byltyrdyń ózinde tańdaýǵa bolatyn memleketter qatary tórt elmen tolyqqan edi: Aýstrııa, Chehııa, Irlandııa jáne Ońtústik Afrıka bar.
Tizimde top-250 halyqaralyq akademııalyq QS World University Rankings, Academic Ranking of World Universities, Times Higher Education World University Rankings reıtıngterine enetin JOO jáne BRIKS elderiniń top-20 ulttyq reıtıngterine kiretin ýnıversıtetter bar.
