Aıta ketý kerek, Shardara sý qoımasy 72 myń ga aýmaqty alyp jatyr, bul aýmaqty tazalaýǵa 200-ge jýyq tabıǵat janashyrlary qatysty, 15 birlik tehnıka, 9 birlik sý kóligi jumyldyryldy.
«Mundaı aksııalar bolashaq urpaq úshin sý qoımalarymyzdyń bıoalýantúrliligin saqtaý úshin úlken mańyzǵa ıe. Biz sý qoımalaryn tastalǵan (ıesiz) balyq aýlaý jabdyqtarynan, jaǵalaý aýmaqtaryndaǵy qoqystardan tazartamyz. Bul sózsiz qorshaǵan ortaǵa kóp paıda ákeledi. Barlyqtaryńyzdy sý obektilerinde, balyq resýrstary men basqa da sý janýarlarynyń tirshilik etý ortalarynda tazalyqty saqtaýǵa shaqyramyn», dep atap ótti Aral-Syrdarııa oblysaralyq balyq sharýashylyǵy ınspeksııasynyń basshysy Pazylbek Nálibaev.
Aıta ketý kerek, ótken jyly Túrkistan oblysynyń sý qoımalarynan 60 myń tonnaǵa jýyq qoqys tazartylyp, 200-ge jýyq arnaıy tehnıka jumyldyrylyp, myńnan astam ekoaktıvıst tartyldy.
Esterińizge sala keteıik, atalǵan tabıǵat qorǵaý aksııasy jyl saıyn respýblıkalyq deńgeıde ótkiziledi. Bıyl 18 naýryzdan 31 mamyrǵa deıin úzdiksiz ótkiziledi.
