Kazakh Invest ulttyq kompanııasynyń málimetinshe, Škoda Transportation jáne Elektrotechnika kompanııalarynyń óndiristik qýatyn Qazaqstanda ornalastyrý múmkindigi talqylandy.
Kezdesýge Škoda Transportation óńirlik dırektory Roman Sorkın men Elektrotechnika bıznesti damytý jónindegi dırektory Lıbor Novak qatysty. Qos kompanııa da ınvestısııalyq yntymaqtastyqty damytýǵa múddeli.
Kazakh Invest ulttyq kompanııasynyń basqarma tóraǵasy Meıirjan Iýsýpov mashına jasaý salasyndaǵy ınvestısııalyq jobalardy qoldaýǵa daıyn ekenin atap ótti.
«Cheh kompanııalary strategııalyq jáne tehnologııalyq ınvestorlar retinde Qazaqstanda trolleıbýstar men elektrobýstar óndirisin oqshaýlaý múmkindigin zerdelep jatyr», delingen habarlamada.
Cheh kompanııalarynyń ókilderi Almaty men Nur-Cultanǵa baryp, ákimdikterde kezdesý ótkizgen.
Sondaı-aq «Qazaqstan temir joly» ulttyq kompanııasyna da barǵan.
Aıta keteıik, Škoda Transportation – kompanııasy metro, tramvaılar, trolleıbýstar, temirjol vagondary, elektr poıyzdary jáne elektr avtobýstary sııaqty kólik túrleriniń jetekshi eýropalyq óndirýshileriniń biri.
Elektrotechnika metro men temir jol kóligine, tramvaı jáne trolleıbýs jelilerine arnalǵan ártúrli tıptegi tartqysh júıelerdiń iri óndirýshisi retinde tanymal.
