Aımaqtar • 18 Sáýir, 2022

Almatyda er adam esirtkiniń asa iri partııasymen ustaldy

44 ret kórsetildi

Almatyda 60 jastaǵy er adam esirtkiniń asa iri partııasymen ustaldy, dep habarlaıdy Egemen.kz Polisia.kz. saıtyna silteme jasap.

Almaty qalasynda Áýezov aýdanynyń polıseıleri jáne Esirtki qylmysyna qarsy kúres basqarmasynyń qyzmetkerleri zańsyz aınalymnan 4 keliden astam keptirilgen marıhýana men 1 kelige jýyq gashısh esirtkisin tárkiledi.

«Pavlodar oblysynyń 60 jastaǵy týmasy Saın kóshesindegi úılerdiń biriniń turǵyndarynyń aryzynan keıin jedel ýákilderdiń nazaryna tústi. Aryzdanýshylardyń aıtýynsha, kúdikti esirtki satýmen aınalysqan, ol taýarlardy tikeleı garajdan taratyp otyrǵan. G.esimdi azamattyń qylmystyq áreketi qujattalǵan. Garajdy tintý barysynda kúdiktiden jasyl jáne qońyr tústi ósimdik tektes zaty bar bir býma, sonymen qatar oq-dári tárkilendi. Shóptiń bir bóligi oralyp, satýǵa daıyn turǵan. Saraptama qorytyndysyna sáıkes, tárkilengen zat jalpy salmaǵy 4 keli 567,01 gramm keptirilgen marıhýana bolyp shyqty. Taǵy bir qońyr tústi zat – gashısh. Tárkilengen partııanyń salmaǵy 730,71 gramdy qurady. Másele esirtkiniń úlken partııasy týraly bolyp otyr. Al tabylǵan oq-dári – 9 mm kalıbrli jaýyngerlik patron», dedi Áýezov aýdandyq Polısııa basqarmasynyń bastyǵy Ulan Ábilqaıyr.

Atalǵan derek boıynsha sotqa deıingi tergeý amaldary júrgizilip jatyr. Kúdiktiniń áreketteri QR QK-niń 297-baby 3-bóliminiń 3-tarmaǵy, 287-baby 3-bólimi boıynsha saralanady. Er adam qamaýǵa alyndy.

Aıana Toǵanbek

Sońǵy jańalyqtar

Shırek fınalǵa ótti

Tennıs • Keshe

Uqsas jańalyqtar