15 sáýirde saǵat 13.50-de Pavlodar qalasy Tkachev kóshesindegi basseınderdiń biriniń janynda Pavlodar oblysy polısııa departamentiniń jedel qyzmetkerleri UQKD qyzmetkerlerimen birlesip uıymdasqan qylmystyq toptyń basshysyn ustady.
Qazaqstan Respýblıkasy QK-niń 194-baby 4-tarmaǵynyń 2-bóligine sáıkes sotqa deıingi tergeý isteri júrgizilýde. Kúdikti qamaýǵa alyndy.
Bul bap boıynsha múlikti tárkilep, jeti jyldan on bes jylǵa deıingi merzimge bas bostandyǵynan aıyrý jazasy qarastyrylǵan.
«Uıymdasqan qylmystyq toptyń 54 jastaǵy lıderi 40 jastaǵy pavlodarlyqpen aldyn ala kelise otyryp, psıhologııalyq qysym kórsetý jáne kúsh qoldanamyn dep qorqytý arqyly JShS-lardyń biriniń dırektory men onyń orynbasarynan úshinshi tulǵalardyń paıdasyna 52 mıllıon teńgeden astam qarajat aýdarýdy talap etken», dep habarlady Pavlodar oblysy polısııa departamentiniń bastyǵy Vasılıı Sklıar.
Aıana Toǵanbek
