Baqytjan Pozılov áıeliniń syrqatyna baılanysty qyzmetinen ketkenin málimdedi.
«Keshe men jumystan ketý týraly ótinish jazdym. Onyń sebebi áıelimniń syrqattanyp qalýy. Búıregi aýystyryldy. Aıta keteıin, meni qyzmetke qıyn sátte taǵaıyndady. Men ózime berilgen tapsyrmany barynsha az shyǵynmen oryndadym dep oılaımyn. Pandemııa bolǵanda úsh kún uıyqtamaǵan sátter de boldy. Men Shymkenttegi medısınanyń deńgeıin kóterdim», dep bólisti B. Pozılov.
Sondaı-aq Pozılov áriptesterine koronavırýs pandemııasy kezinde atqarǵan jumysy úshin alǵys aıtty.
«Qalaǵannyń bárin oryndaı almaǵanymyzdy moıyndaýym kerek, biraq maqtan etetin nátıjeler bar! Men barlyq áriptesime COVID-19-ben kúreste birige jumys istep, janqııarlyq kórsetkeni úshin alǵys aıtamyn! Bul - ortaq jeńisimiz! Bárine raqmet, kezdeskenshe», dedi qalalyq Densaýlyq saqtaý basqarmasynyń burynǵy basshysy.
Aıta keteıik, Baqytjan Pozılov 2020 jyldyń 2 qazanynda Shymkent qalasynyń bas dárigeri bolyp taǵaıyndalǵan.
