Máskeý polıseıi 160 myń rýbl parany jutyp qoımaq boldy

Máskeýde qylmystyq izdeý bóliminiń kapıtany para alyp jatqan jerinen qolǵa túsip, 160 myń rýbldi jutyp qoımaqshy boldy. Bul týraly Lenta.ru habarlady. Atalǵan oqıǵa bylaısha oryn alǵan. Qylmystyq izdeý bóliminiń kapıtany óz avtokóligi ishinde 160 myń rýbl kólemindegi parany jutyp jiberýge árekettengen. Sol sátte onyń izin ańdyǵan polıseıler kóliktiń terezesin syndyryp, onyń qolyndaǵy 160 myń rýbldi alyp úlgerdi.Qazirgi ýaqytta kapıtannyń isi prokýratýraǵa jiberildi. Máskeý polısııasynyń baspasóz qyzmeti málimdegendeı, kapıtannyń isi tekserýden ótken soń ol polısııa qatarynan shyǵarylady. Osyǵan uqsas oqıǵa 2011 jyly Saratov qalasynda da oryn alǵan edi. Ol kezde quqyq qorǵaý qyzmetkeri 15 myń rýbl paramen qolǵa túsken. Alaıda, aqshanyń kólemi az bolǵandyqtan ol ony jutyp úlgergen. Tártip saqshysynyń kinásin dáleldeıtin aıǵaq zattar bolmasa da sot ony jaýapkershilikke tartty. Oǵan 600 myń rýbl kóleminde aıyppul salyndy. Aıdar О́risbaev. Derekkóz: Lenta.ru. Foto: Metronews.ru.