«Naýryzda Qazaqstannyń Ýkraınadaǵy elshiligi Lvov qalasyna ýaqytsha kóshirilgeni belgili. Sonymen qatar Polsha men Moldovadaǵy elshilikterimizge ýaqytsha óz qyzmetin atqarý úshin eki qyzmetkerden jiberildi. Elshi Darhan Káletaev jaqynda keńes ótkizý úshin Qazaqstanda boldy. Onyń qorytyndysy boıynsha qazirgi kezeńde eki qyzmetkerdi - áskerı attashe men kezekshi komendantty turaqty ornalastyrý úshin Kıev qalasyna qaıtarý týraly sheshim qabyldandy», deıdi A. Smadııarov.
Vedomstvonyń resmı ókili elshiliktiń basqa qyzmetkerleri ázirge Lvov pen Kıev arasynda qatynaı júrip qyzmet isteıtinin atap ótti. «Elshi jáne basqa qyzmetkerler Lvov pen Kıev arasynda qatynap júredi. О́ıtkeni bizdiń Kıevtegi elshiligimizdiń ǵımaraty qajetti jumys pen konsýldyq qyzmet kórsetýge beıimdelgen. Sonymen qatar qujat aınalymy úshin barlyq qajetti tehnıkalyq kommýnıkasııalary bar. Qazirgi tańda elshiliktiń Lvov qalasynda ornalasýy azamattarymyz ben qandastarymyzdy evakýasııalaýdyń jalǵasyp jatqan prosesi, sonyń ishinde olardyń qaýipsizdigin qamtamasyz etý máselesimen túsindiriledi», dedi SIM ókili.
Onyń málimeti boıynsha, QR elshiligin Kıevke tolyq qaıtarý týraly túpkilikti sheshimdi elshiniń usynysy boıynsha QR Syrtqy ister mınıstri qabyldaıdy.
