Aımaqtar • 20 Sáýir, 2022

Atyraý munaı óńdeý zaýytyna qarsy qylmystyq is qozǵaldy

560 ret

kórsetildi

1 mın

oqý úshin

Atyraý oblysy boıynsha Monopolııaǵa qarsy departament óńirlik prokýratýramen birlesip, Atyraý munaı óńdeý zaýytynyń ústem jaǵdaıyn teris paıdalaný deregin anyqtady, dep habarlaıdy Egemen.kz Básekelestikti qorǵaý jáne damytý agenttiginiń baspasóz qyzmetine silteme jasap.

Gaýhar QAPASh

Atyraý munaı óńdeý zaýytyna qarsy qylmystyq is qozǵaldy

«Qazaqstan Respýblıkasy Básekelestikti qorǵaý jáne damytý agenttiginiń Atyraý oblysy boıynsha departamenti Atyraý oblysy boıynsha prokýratýrasynyń basshylyǵymen «Atyraý munaı óńdeý zaýyty» JShS qyzmetin tekserý sheńberinde 2020-2021 jyldary shıki munaıdy qaıta óńdeý boıynsha jumystardy oryndaýǵa monopolııalyq joǵary baǵa belgileý túrinde AMО́Z ústem jaǵdaıyn teris paıdalaný faktilerin anyqtady», delingen habarlamada.

Monopolııaǵa qarsy departamenttiń qorytyndysy is júrgizý sheshimin qabyldaý úshin Atyraý oblysy boıynsha prokýratýrasyna jiberildi.

О́ńirlik prokýratýramen QR Qylmystyq Kodeksiniń 221-baby «Monopolıstik qyzmet» boıynsha «AMО́Z» JShS qatysty sotqa deıingi tergeý bastalyp, 2020-2021 jyldary shıki munaıdy qaıta óńdeý boıynsha qyzmetterge monopolııalyq joǵary baǵany belgileý faktisi boıynsha Atyraý oblysy boıynsha Ekonomıkalyq tergeý departamentine joldandy.