Eń mańyzdy mıssııa – eldiń ornyqty damýyna úles qosý

Qazaqstan Respýblıkasy Qaýipsizdik Keńesi janyndaǵy Sarapshylyq keńestiń otyrysy ótti, dep habarlady Prezıdenttiń baspasóz qyzmeti. Sarapshylyq keńes otyrys­taryn ótkizý tájirıbesinde pi­kir­lesý alǵash ret Qazaq­stannyń jetekshi ýnıver­sı­tetteriniń, Almaty qalasyndaǵy zertteý ınstıtýttary men qor­lar­dyń sarapshylarynyń, son­daı-aq, memlekettik organdar basshylarynyń qatysýymen beınekonferensııa baılanysy arqyly ótti. Kún tártibinde úkimettik emes uıymdardyń, qorlar men zert­teý ortalyqtarynyń jumy­syn­daǵy jańa úrdister, sonymen qatar, memlekettik organ­dardyń ulttyq qaýipsizdik sala­syndaǵy boljamdyq-talda­malyq jumystarynyń máse­leleri qamtyldy. Talqylaý barysynda Qa­zaq­stan Respýblıkasy Pre­zı­dentiniń kómekshisi – Qaýip­siz­dik Keńesiniń hatshysy Q.P.Qo­jamjarov úki­mettik emes uıym­dardyń eldiń áleýmettik-ekonomıkalyq jáne qo­ǵamdyq ómirinde alatyn mańyz­dy jasampazdyq róline erekshe toqtaldy. Sarapshylar Qazaqstannyń úkimettik emes uıymdar salasyn retteıtin zańnamasy TMD keńistigi boıynsha meılinshe lıberaldy sanalatynyn, el úki­meti azamattyq bastamalardy damytýǵa jan-jaqty jaǵdaı jasap kele jatqanyn atap ótti. Q.Qojamjarov úkimettik emes uıymdar qyzmetindegi asa túıtkildi máselelerge erek­­she nazar aýdara otyryp, olar­­dyń eń mańyzdy mıssııasy – Qazaqstannyń ornyqty ári tabysty damýyna úles qosý ekenin aıtty. Osyǵan oraı ol ulttyq jáne halyqaralyq úki­mettik emes uıymdardy, qorlar men ınstıtýttardy memleket pen qoǵam úshin strategııalyq mańyzy bar mindetterdi oryndaýda syndarly qarym-qatynas ornatýǵa shaqyrdy. Prezıdenttiń kómekshisi – Qaýipsizdik Keńesiniń hatshysy aýmaly-tókpeli halyqaralyq jaǵdaı men ulttyq qaýipsizdik al­dynda turǵan syn-qaterler otandyq sarapshylar qaýymy men memlekettiń ózara tyǵyz qarym-qatynas ornatýyn talap etetinin aıtty. Otyrys qorytyndysy boı­ynsha Sarapshylyq keńes naq­ty usynymdar berdi, olar Qaýip­sizdik Keńesi men onyń ve­domstvoaralyq komıssııalary jumysy barysynda paıdalanylatyn boldy.