Saılaý ýchaskeleri jeksenbide jergilikti ýaqyt boıynsha 8.00-de ashylǵan, onda prezıdenttik saılaýdyń ekinshi jáne sheshýshi týry ótip jatyr. Kelesi bes jyl ishinde memleketti basqarý quqyǵyna ıe bolý úshin qazirgi prezıdent Emmanýel Makron jáne ońshyl «Ulttyq birlestik» partııasynyń jetekshisi Marın Le Pen baqtalasyp jatyr.
Parıjdegi birneshe ýchaskede tańerteń adamdar jańa prezıdentke daýys berý úshin kezekke turdy. Keıbir ýchaskelerde birneshe polısııa qyzmetkeri tártipti qamtamasyz etip tur. Qalada jaǵdaı qalypty ekeni aıtyldy.
Fransııa prezıdenti jalpyǵa birdeı tikeleı jasyryn daýys berý arqyly bes jylǵa saılanady. Saılaýǵa 49 mıllıonǵa jýyq saılaýshy qatysa alady. Daýys berý eki týr boıynsha ótedi, birinshisi 10 sáýirde ótti, oǵan 12 kandıdat qatysqan edi.
Ekinshi týrǵa Makron men Le Pen ótti. Fransııanyń Ishki ister mınıstrliginiń málimetinshe, qazirgi prezıdent 27,84 paıyz daýys jınaǵan, «Ulttyq birlestiktiń» jetekshisi 23,15 paıyz daýys jınaǵan.
