Arhıvtik qujattardy tapsyrý rásimi Qazaqstan Qarýly Kúshteriniń memlekettik áskerı-tarıhı murajaıynda ótti. Olardyń ishinde partııa bıleti men bolshevıkterdiń Búkilodaqtyq Kommýnıstik partııasy múshesiniń esep kartochkasy, 1942 jyly jazylǵan BBKP múshesiniń tirkeý blankisi, fotosýretteri jáne t. b. bar.
Alekseı Borodavkın óz sózinde bıyl eki eldiń dıplomatııalyq qarym-qatynasyna 30 jyl tolǵanyn aıryqsha atap ótti.
«Biz - odaqtastarmyz jáne dospyz. Búgingi qazaqstandyq dostarymyzǵa berilgen muraǵattyq qujattar osy qarym-qatynastyń dáleli», dedi elshi.
Endigi kezekte Reseı tarapy Máskeý jáne Podolsk qalasyndaǵy 11 myńnan astam áskerı qujattar saqtalǵan muraǵattarmen jumys isteýge múmkindik berýge daıyn.
«О́te qupııa» degen belgisi bar qujattar Halyq batyry Baýyrjan Momyshulynyń ómirbaıanyndaǵy aıtylmaı qalǵan tarıhı derekterdi ǵana emes, Uly Otan soǵysynyń basynda Máskeý úshin bolǵan urysta shaıqasqan áıgili Panfılov dıvızııasynyń tarıhı erlikterin toltyrýǵa kómektesedi.
