Jeksenbidegi jańbyr: Eki aýdanda úılerge sý kirip, mal shyǵyny oryn aldy

Eldi mekendegi Almaty kóshe­siniń turǵyny Aıgúl Sultanova oqıǵa jeksenbi kúni saǵat keshki segizder shamasynda bastalǵanyn aıtady. Jaýyn-shashynnyń saldarynan úıiniń aýlasyn sý basyp, baspanasyna kirgen. Úsh ul, eki qyzdyń anasy aýyldyń ákimi men turǵyndardyń kómegimen tez arada qaýipsiz aımaqqa jetken.

Oblystyq TJD bastyǵynyń orynbasary Erik Sarybaevtyń aıtýyna qaraǵanda, sý basqan aýmaqtardan 50 adam evakýasııa­lanyp, týystarynyń úılerin ýaqytsha panalaǵan. Zańǵar eldi meke­ninde – 7, Qarabaýda – 15, Tuǵyr­tasta – 1, Qyzylseńgirde – 12, Shanaq aýylynda 20 úıge sý kirgen. Nóser jaýynnyń qattylyǵy sonsha, eki júzden asa mal shyǵyny anyq­taldy. Bul baǵyttaǵy ju­mys jalǵasýda. Qazyǵurt aýdany ákimdiginiń baspasóz qyzmeti habar­laǵandaı, Qaqpaq eldi mekeninde – 200, al Saraphana aýylynda 25 bas mal qyrylǵan. Turǵyn úıler­di sý basýyna jol bermeý maq­sa­tynda tótenshe jaǵdaı, aýdan­dyq órt sóndirý bólimderi men beketteriniń, jergilikti aýyl ákim­dikteri qyzmetkerleriniń uıym­dastyrýymen sý sorǵyshtar ar­qyly kósheler men úıdiń aýlala­ryna tolǵan sýdy shyǵarý ju­mystary túni boıy júrgizildi. Bul iske Tóten­she jaǵdaılar depar­tamentiniń 56 qyzmetkeri, 9 bir­lik tehnıka, 11 moto­pompa jáne jer­gilikti atqarýshy or­gan­dardyń 19 qyzmetkeri, 6 birlik tehnıka, 2 motopompa jumyldyrylǵan. So­nymen qatar kóshelerdi, úılerdiń aýlalaryn sý basý faktisine baılanysty aýdan ákimdiginiń jedel jelisi iske qosylyp, turǵyndar ta­ra­pynan habarlamalar túsken jaǵ­daıda shuǵyl is-sharalar atqa­ryldy.

Búginde Qazyǵurt aýdanynda sý bas­qan eldi mekenderde jaǵdaı turaqty, jergilikti tur­ǵyn­darǵa óńirdiń erikti jastar toby járdemdesýde. Sý basqan barlyq aýyldaǵy qora-jaılar jaýyn sýynan, laı-batpaqtardan tazartylýda. Bul aýyldardaǵy sý basqan 41 úıdiń aýlasyn tazartý jumystaryna ákimdik qyz­metkerleri de kómek qolyn sozýda. Sonymen qatar tótenshe jaǵ­daı­lar qyzmetkerleri jaýyn sýyn arnaıy tehnıka kómegimen shyǵarýda. «Adam shyǵyny joq, jaǵdaı tolyq baqylaýǵa alynǵan. Mal shyǵyny eseptelýde. Jalpy, qaýip-qater seıildi. Evakýasııalanǵan 50 turǵyn óz úılerine qaıtaryldy. Jumys jal­ǵa­syp jatyr», dedi oblystyq tó­tenshe jaǵdaılar departamentiniń bastyǵy Nurǵalı Júnisov.

Oblys ákimi О́mirzaq Shókeevtiń tap­syrmasymen Qazyǵurt jáne Sary­aǵash aýdandaryndaǵy jaýyn-shashyn saldaryn joıý boıynsha arnaıy komıssııa quryldy.

«Shyǵyndar obektıvti esep­telýge tıis. Mal shyǵyny boıynsha aýyl sharýa­­shylyǵy basqarmasy tıisti she­shim qabyldap, zań sheńbe­rinde óz min­det­terin oryndasyn. Bul – jergi­likti, aýdandyq deńgeıde sheshi­letin máse­le. Bizdiń jiti na­za­­­ry­myzda tur», dedi О́mirzaq Shókeev.