Kóktemniń ekinshi aıynda álem jurty ǵaryshkerler kúnin atap ótýge asyǵady. Bul mereke qazaq halqynan da alys emes. Eski muraǵattarǵa úńilseńiz, aı betinde aptalap jatqan qazaq ǵarysh aılaǵynan qanat qaqqan rýhty azamattaryn kóresiz. Qalalyq arhıvte ǵaryshkerlerdiń aı ústinen joldaǵan fotosýretteri bar. Oǵan mekeme qyzmetkerleri arnaıy fotomozaıka jasap, jeke galereıa retinde qurastyryp, astana turǵyndaryna emin-erkin tamashalaýǵa jol jasapty.
Iá, ǵarysh – bir jumbaq álem. Bala kúninde ǵaryshker bolýdy armandamaǵan jan joq shyǵar. Baıqońyrdan ushqan áýe zymyrandaryn teledıdardan kórgende, sol belgisiz mekenge biz de birge saparlaýshy edik. «Juldyzdap bizge ǵapyshtyń ulylyǵy men culylyǵyn kópcetedi, onda biz ǵapyshtyń máńgilik caıahatshylapy óz juldyzymyzdy tabyǵa typycamyz», deıdi ataqty ushqysh Valentın Pychkov. Osy sóz ras-aý!
Jalpy, álemde 180-nen astam memleket bolsa, solardyń qatarynda ǵaryshqa óz perzentin ushyrǵan elder saýsaqpen sanarlyqtaı. Álemde óz ultynan úsh nemese odan da kóp azamaty ǵaryshqa kóterilgen 9 ǵana memleket bar. Sonyń ishinde qazaq ultynyń, qazaq memleketiniń bási bıik.
Keńes Odaǵy tusynda aǵa leıtenant Iýrıı Gagarın bastaǵan uly isti qazaq topyraǵynan túlep ushqan áýe batyrlary jalǵady. Qazaqtan tuńǵysh ǵaryshqa ushqan dańqty ǵaryshker Toqtar Áýbákirovtiń esimi búginde qazaq tarıhynda altyn árippen jazyldy. Ol ǵaryshta júrip, Aral máselesin zertteýmen aınalysty. Qandaı ǵajap jańalyqtar ashty. Odan keıin ekinshi ǵaryshkerimiz Talǵat Musabaevqa úsh ret ushý baqyty buıyrdy. Onyń erligi Gınnestiń rekordtar kitabyna endi. Al táýelsizdikke qol jetkennen keıin el atynan Aıdyn Aıymbetov bıikke samǵady. Bul da úlken jańalyq boldy.
Mine, oqyrmanǵa usynyp otyrǵan sýretter jıyntyǵy sol dáýirdiń jańǵyryǵy ispetti. Armanshyl balanyń qııalyna qanat bitirip, ushqysh bolýdy maqsat tutqan oqýshynyń senimine qýat bereri sózsiz. Fotomozaıkany jeke-jeke kórgińiz kelse, elordanyń arhıvine baryńyz.
