Elorda ákimdiginiń Qorshaǵan ortany qorǵaý jáne tabıǵatty paıdalaný basqarmasy habarlaǵandaı tártip buzýshylar qysta qoqysty qardyń astyna jasyrady.
Bıyl osyndaı 12 úıindi joıylyp, 2 myń tonnaǵa jýyq qoqys shyǵaryldy. 2021 jyly 330-dan astam ruqsat etilmegen qoqys úıindisi joıylyp, 60 myń tonnadan astam qoqys shyǵaryldy, al 2020 jyly 220-dan astam úıindi joıylǵan bolatyn.
«Ruqsat etilmegen qoqys úıindileri paıda bolmas úshin ótken jyldyń maýsym aıynan bastap ekologııalyq talaptardy buzǵany úshin ákimshilik aıyppul mólsheri 5 ese ósti. Iаǵnı, jeke tulǵalar úshin ol 10 AEK-ten 50 AEK-ke deıin, shaǵyn kásipkerlik sýbektileri nemese kommersııalyq emes uıymdar úshin 20 AEK-ten 100 AEK-ke deıin, orta kásipkerlik sýbektileri úshin 30 AEK-ten 100%-ǵa deıin, al iri kásipkerlik sýbektileri úshin 200%-ǵa deıin ósti.
2022 jyldyń basynan beri 659 quqyq buzýshy ákimshilik jaýapqa tartylyp, 7 mln 400 myń teńgeden astam somaǵa aıyppul salyndy.
Aýdandyq ákimdikter, Ekologııa departamenti, Tabıǵatty qorǵaý polısııasy, «Ikomek 109» qyzmeti «Sergek» qalalyq beınebaqylaý kameralary arqyly sanksııalanbaǵan qoqys úıindileriniń paıda bolýyna jol bermeý, tártip buzǵandardy jaýapqa tartý úshin kúsheıtilgen jumys júrgizip jatyr», delingen habarlamada.
