Bul aýqymdy shara 7 mamyrda Astanada Otan qorǵaýshylar kúnine oraı uıymdastyrylady
Qazaqstan Respýblıkasynyń Prezıdenti – Qarýly Kúshterdiń Joǵarǵy Bas qolbasshysy Nursultan Ábishuly Nazarbaevtyń 2014 jylǵy 19 naýryzdaǵy Otan qorǵaýshylar kúnin merekeleý jónindegi № 1362 nusqaýy boıynsha Astana qalasynda Áskerı parad ótkiziledi. Áskerı parad 2014 jylǵy 7 mamyrda Astana qalasyndaǵy «Qazaq eli» alańynda ótedi. Paradqa Qorǵanys mınıstrliginiń, Ishki ister mınıstrliginiń, Tótenshe jaǵdaılar mınıstrliginiń, Ulttyq qaýipsizdik komıteti Shekara qyzmetiniń jáne Respýblıkalyq ulannyń paradtyq eseptoptary, sondaı-aq, Qorǵanys mınıstrliginiń, Ishki ister mınıstrligi men Tótenshe jaǵdaılar mınıstrliginiń áskerı tehnıkalary men avıasııasy tartylady. Áskerı paradtyń saltanatty marshynyń jaıaý legine 2 myńǵa jýyq áskerı qyzmetshi, onyń ishinde Qazaqstan Respýblıkasy Qarýly Kúshteriniń jeke quramynan 1500 adam qatysady. Mehanıkalandyrylǵan kolonnadaǵy áskerı tehnıka sany 250 birlikti jáne jeke quramda 566 adamdy quraıdy (mehanık-júrgizýshiler, ekıpajdar, desanttar). Sondaı-aq, paradqa 56-ǵa jýyq ushý apparattary qatystyrylady. 2014 jylǵy 14 sáýirden bastap parad eseptoptary men mehanıkalandyrylǵan kolonnalardyń jattyǵýlary kún saıyn ótkiziletin bolady. Eldik rýhty kóteretin mundaı sharalar jastardyń boıynda patrıottyq sezim qalyptastyryp, otansúıgishtikke tárbıeleıtini aıtpasa da túsinikti. Sondyqtan da áskerı parad áskerıler tarapynan da joǵary jaýapkershilikti, alǵa qoıǵan maqsatty bir demde bir kisideı atqaryp shyǵýdy talap etedi. Jattyǵýlardy paradqa deıin kún saıyn ótkizý qajettiligi de aldaǵy mindet údesinen kórinýdi ditteıdi. Is-shara Qorǵanys mınıstrligine qarastyrylǵan 2014 jylǵy bıýdjettik baǵdarlamanyń aqshalaı qarajaty kóleminde qamtamasyz etiledi, dep habarlady Qazaqstan Respýblıkasy Qorǵanys mınıstrliginiń baspasóz qyzmeti. ----------------------------------------- Sýretti túsirgen Erlan OMAROV.
